Qytaıdyń 7 iri kompanııasy Almaty oblysyna ınvestısııa salýǵa múddeli

25 maýsymda vıse-premer Serik Jumanǵarın Úrimshi qalasynda (QHR) Qazaqstanda jobalardy bastap jatqan jáne qazaqstandyq seriktesterdi izdeýge múddeli Qytaıdyń jeti iri kompanııasynyń basshylarymen kezdesti.

Almaty oblysynda CITIC Construction seriktesterimen astyqty tereń óńdeý zaýytyn salýdy josparlap otyr, onyń qýattylyǵy birinshi kezeńde – 300 myń tonna, ekinshi kezeńde – 600 myń tonna. О́nimder-maltoza, frýktoza sıroptary, krıstaldy frýktoza jáne bıdaıdan jasalǵan basqa da joǵary óńdelgen ónimder. Kompanııa basshysynyń aıtýynsha, quramynda qant bar ónimder – bul birinshi kezeń, ekinshisinde tereńdetilgen ónimder shyǵarylady. CITIC Construction zaýytynyń qurylysy 2025 jyly bastalady dep josparlanýda.

Xinjiang Tianye Water Conservation and Irrigation sý únemdeý tehnologııasymen SÝAR alqaptarynyń shamamen 70% qamtamasyz etedi. Kompanııa Qazaqstanmen tamshylatyp sýarý tehnologııalarymen bólisýge daıyn, sonyń arqasynda tyńaıtqyshtar men sýdy az paıdalanýǵa jáne kóbirek ónim alýǵa bolady. Serik Jumanǵarın Qazaqstanda jańbyrlatý mashınalary men tamshylatyp sýarý júıelerin óndirýdi jolǵa qoıýdy usyndy, mundaı jobalardy memleket tarapynan qoldaýǵa bolatynyn jáne ótkizý naryǵy qamtamasyz etiletinin atap ótti.

SÝAR-daǵy qant qyzylshasyn óńdeıtin eń iri COFCO Sugar Holding kompanııasy "jartylaı qurǵaq qant" óndirý boıynsha ozyq tehnologııalardy engizdi. Ol eki baǵytta jumys isteıdi: qant ónimderin óndirý jáne qyzanaqty óńdeý. Qazaqstanda qyzanaqty óńdeý jelisin engizdi, biraq qazir óndiristi qant bóligi boıynsha da keńeıtýdi josparlap otyr. Serik Jumanǵarın aýyl sharýashylyǵy vıse-mınıstrine kompanııamen Qazaqstanda tomat pastasy óndirisin qurý múmkindigin pysyqtaýdy jáne qazaqstandyq qant zaýyttarynyń qyzmetimen tanystyrýdy tapsyrdy.

Serik Jumanǵarın sondaı-aq aýyl sharýashylyǵy tehnıkasyn óndirýmen aınalysatyn Debont Agriculture Machinery, munaı-hımııa Jinymeng, Qytaı ulttyq hımııa-ınjınırıng korporasııasy CNCEC jáne Baosheng International Co ókilderimen kelissózder júrgizdi.

Sol kúni Vıse-premer "Toýtýnhe" arnaıy ekonomıkalyq aımaǵyna bardy, sonyń arqasynda SÝAR ónerkásibi men tehnologııalary damydy.