Foto: Ashyq derekkóz
Qyrǵyzstannyń burynǵy prezıdenti Asqar Aqaev ózine eks-prezıdent mártebesin qaıtarýdy surap, Jogorký Keneshke hat joldady. Bul týraly qyrǵyzstandyq basylymdar habarlady.
"Keńes tóraǵasy Nurlanbek Shákıev Aqaevtyń hatyn bizge joldady, men ony búgin tańerteń aldym. Biraq bul jyldam prosess emes. Barlyq fraksııamen, depýtattarmen keńesý kerek. Eger bul oryndy bolsa, onda másele kún tártibine shyǵarylyp, sheshim qabyldanady", - dedi Qyrǵyzstannyń sot-quqyqtyq máseleler jáne reglament jónindegi parlamenttik komıtettiń basshysy Cholpon Sýltanbekova.
Aıta keteıik, Asqar Aqaev Qyrǵyzstandy 1990-2005 jyldary basqarǵan. 2005 jyly elde bolǵan "qyzǵaldaq tóńkerisinen" keıin Aqaev otstavkaǵa ketken edi. Sol jyly Jogorký Kenesh sheshimimen "tuńǵysh prezıdent" mártebesinen aıyrylǵan ol Reseıge qonys aýdarǵan. 2010 jylǵy sáýir tóńkerisinen keıin ýaqytsha úkimettiń jarlyǵymen Aqaev "eks-prezıdent" mártebesinen de aıyrylǵan bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir