Iran prezıdenti tikushaq apatynan qaza tapty

Iran prezıdenti Ibrahım Raısı  mingen tikushaq apatqa ushyrap, búkil ekıpaj qaza tapty. Bortta el prezıdentimen qatar Syrtqy ister mınıstri Hoseın Amır Abdollahıan, Shyǵys Ázerbaıjan oblysynyń gýbernatory Malek Rahmatı jáne Tabrız qalasynyń juma ımamy Mohammad Alı Ale Hashem bolǵan. Bul týraly Irannyń Qyzyl jarty aı qoǵamynyń basshysy Pır Hosseın Kolıvand málimdedi.

"Qulaǵan tikushaqtyń ornalasqan jeri anyqtalǵan kezde, tikushaq jolaýshylardyń tirshilik belgileri tabylmady", - dedi ol IRIB telearnasynda.

Buǵan deıin BAQ Iran prezıdenti mingen tikushaq joǵalyp ketkenin habarlaǵan bolatyn. Saıasatkerler kórshiles Ázerbaıjanda sý bógetin ashý saltanatyna qatysyp, elge qaıtyp kele jatqan.