20 Mamyr, 2024 NEWS
BJZQ-dan jınaq aqshasyn almaq bolǵan qazaqstandyq erli-zaıypty qarjylarynan aıyrylyp qaldy
Aqmola oblysynyń polıseıleri zeınetaqy jınaqtaryn alyp beremiz degen jeleýmen erli-zaıyptyny san soqtyrǵan alaıaqqa qatysty tergeýdi bastady.
![](/media/2024/05/20/crop-3_4_154x274_images.jpg?width=600&height=480)
Kórneki sýret
Oblystyq polısııanyń habarlaýynsha, alaıaqtyq isiniń qurbandary erli-zaıyptylar bolǵan. Tergeý málimetteri boıynsha, 2023 jyldyń qazan aıynda Selınograd oblysyndaǵy erli-zaıyptylar zeınetaqy qorynan aqsha alý múmkindigine qyzyǵýshylyq tanytqan.
"Tıisti rásimdi júzege asyrý úshin deldaldar kelesi shema boıynsha jumys istegen. Olar erli-zaıyptyǵa stomatologııalyq emhanaǵa 2 mıllıon 800 myń teńge zeınetaqy jarnasyn aýdarýdy usynǵan. Sondaı-aq keıin bul somany alýǵa bolatynyn eskertken. Deldal qyz óz qyzmetin 228 000 teńgege baǵalaǵan. Aryzdanýshylar onyń bank shotyna aqsha aýdarǵan. Aqmola turǵyndary jarty jyldan astam zeınetaqy jarnalaryn almaǵandyqtan, polısııaǵa aryzdanǵan", – delingen habarlamada.
Alaıaqtyq áreket faktisi boıynsha Selınograd aýdandyq polısııa bóliminiń qyzmetkerleri sotqa deıingi tergeý amaldaryn bastady. Nátıjesinde, kúdiktiniń jeke basy anyqtaldy.
"Polısııa qyzmetkerleri jedel izdestirý is-sharalaryn júrgizýdi jalǵastyryp jatyr. Sonymen qatar basqa da zańsyz áreketterden zardap shekkenderdiń bar-joǵy anyqtalyp jatyr. Polısııa qyzmetkerleri alaıaqtardan saq bolýdy jáne aqshaǵa qatysty kúmándi usynystarǵa kelispeýdi surady", – delingen habarlamada.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir