23 Mamyr, 2017 NEWS
Adasyp ketken alpınıster Almaty taýlarynan tabyldy
Almaty mańyndaǵy Býtakov shatqalynda Anatolıı Býkreev shyńyn (3010 m) baǵyndyrýǵa shyqqan 11 alpınıst adasyp qaldy, dep habarlaıdy
Almaty mańyndaǵy Býtakov shatqalynda Anatolıı Býkreev shyńyn (3010 m) baǵyndyrýǵa shyqqan 11 alpınıst adasyp qaldy, dep habarlaıdy Qamshy aqparattyq agenttigi QazAqparatqa silteme jasap.
Habarlamada «Qutqarýshylar «Pıoner» týrıstik bazasyna jedel jetip, sol jerden Qotyrbulaq taýy (3030 m) aýdanynan baǵyt aldy. 20 mınýttan keıin qutqarýshylar joldan adasqan 11 alpınısti tapty. Olarǵa eshqandaı medısınalyq kómek qajet bolǵan joq», - delingen.
Saıahatshylar tobynan Fransııa azamatshasy bólinip qalǵany anyqtaldy.
«Ol baǵyt boıynsha júrýden bas tartyp, Medeý aýdanyndaǵy Býtakov shatqalynda túneýge qalyp qoıǵan.
Qutqarýshylar eki topqa bólindi, biri - alpınısterdiń negizgi quramyn qalaǵa jetkizip, polısııa qyzmetkerlerine tabystaýǵa jumyldyrylsa, ekinshi toptaǵy tórt adam saıahatshylar qatarynan qalyp qoıǵan Fransııa azamatshasyn izdeýge Býtakov shatqalyna shyqty. 40 mınýttan keıin Marı Serverdi taýyp alǵan jedel top ony turǵylyqty jerine jetkizdi», - deıdi TJ qyzmetiniń baspasóz qyzmeti. Qutqarýshylar Almaty turǵyndary jáne saıahatshylarynan taý ishinde jalǵyz júrmeýin, aldyn ala belgilengen baǵyttan aýytqymaı, kartadaǵy baǵytty qatań qadaǵalaýǵa shaqyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir