Áskerı basqarý organy BAQ ókilderin marapattady

Búgin Almaty qalasynda Almaty qalasynyń qorǵanys isteri jónindegi departamentiniń uıymdastyrýymen Qazaqstan Respýblıkasynyń Qarýly Kúshteriniń qurylǵanyna 25 jyl tolýyna oraı jáne Qazaq armııasynyń ımıdjin kóterý, áskerı-patrıottyq tárbıeleýdi jaqsartý maqsatynda respýblıkalyq buqaralyq aqparat quraldarynyń ókilderin marapattaý sharasy ótti.

Sonymen qatar, Qazaqstan Respýblıkasy Qarýly Kúshteriniń oń ımıdjin qalyptastyrý, erlik pen Otan súıgishtikke dáripteý. Sharada Almaty qalasynyń jergilikti áskerı basqarý organdarymen ózara tyǵyz baılanys jasap, yntymaqtastyq ornatyp, áskerı salanyń ımıdjin damytýǵa úles qosyp kele jatqan BAQ marapattaldy. Onyń ishinde atap óter bolsaq, "Qamshy" aqparattyq agenttigi, "Arhar" aqparattyq portaly, "Alaýınformbıýro" aqparattyq portalynyń jýrnalısterin Almaty qalasynyń qorǵanys isteri jónindegi departamenti bastyǵynyń orynbasary - tárbıe jáne ıdeologııalyq jumystar bóliminiń bastyǵy polkovnık Aspambetov Ermuqan Erlanuly madaqtama tapsyryp, bolashaqta odan ári shyǵarmashylyq baılanysta bolatynyn tilge tıek etti.

Sondaı-aq Almaty qalasynyń qorǵanys isteri jónindegi departamentiniń baspasóz qyzmetiniń bastyǵy maıor Novıkova Krıstına Akkýanovna sharaǵa qatysqan jýrnalıster qaýymyna alǵys bildirip, shyǵarmashylyq tabys tiledi. Almaty qalasynyń jergilikti áskerı basqarý organdarynyń baspasóz qyzmetteri BAQ ókilderimen árqashan tyǵyz baılanysta ekenin atap aıtqan jón. Mundaı ıgi bastamalar aldaǵy ýaqytta bola bermek.

Qarlyǵash MUSABEKQYZY