Oraldaǵy Mánshúk Mámetovanyń eskertkishiniń astynan ótken ǵasyrdaǵy hat tabyldy

Keshe, ıaǵnı 22 mamyr kúni Oral qalasynaǵy Keńes Odaǵynyń batyry Mánshúk Mámetovaǵa arnap qoıylǵan eskertkish alynyp tastalǵan bolatyn, dep habarlaıdy Qamshy aqparattyq agenttigi Ýralskaıa nedelıa basylymyna silteme jasap.

Eskertkishtiń alyný sebebi – onyń ornyna 138,5 mıllıon qarajatty quraıtyn jańa eskertkish ornatylady eken.

Kóp uzamaı bul alańda «Qazaq halqynyń batyr qyzdary» atty Nurlan Dalbaıdyń jańa eskertkishi qoıylady.

Mánshúk Mámetovaǵa arnap qoıylǵan eskertkishtiń bul jerde turǵanyna 30 jyldan asatam ýaqyt boldy.

Eskertkishti ornynan alý kezinde jumysshylar onyń astynan ishinde qaǵaz bar bótelke taýyp alǵan. Onda eskertkishti ornatqandardyń esimderi jazylǵan eken.

BQO Tarıhı-mádenı ınspeksııasynyń dırektory Talǵat Júsipqalıevtiń aıtýynsha, komıssııa quramy eskertkishti tekserý barysynda tehnıkalyq aqaýlar men synyqtardy tapqan.

Sonyń saldarynan eskertkishti qalpyna keltirý jaıly sheshim qabyldanǵan. Alaıda bul eskertkishti qaıtadan bul ornyna emes BQO-nyń basqa aýdandarynyń birine ornalastyrady.

Aýdarǵan: Nazerke Labıhan