19 Qarasha, 2024 NEWS
Depýtat Almaty metrosynyń qurylysyna 1 mıllıard dollar bólýdi usyndy
Májilis depýtaty Sergeı Ponomarev Almaty metrosynyń qurylysyn jalǵastyrý úshin qomaqty qarjy bólip, bıýdjet kodeksine soǵan saı ózgeris engizýdi usyndy.
Foto: metroalmaty
Parlament májilisiniń depýtaty Sergeı Ponomarev Instagram áleýmettik jelisine vıdeo jarııalap, onda Almaty qalasy metrosynyń qurylysyn jalǵastyrý úshin 1 mıllıard dollar bólý jóninde usynys jasaǵany týraly baıandady.
-Úkimet kepildigimen metro qurylysyna 1 mlrd dollar bólinsin. Joba ne sebepti mańyzdy? Sebebi Almatyda qozǵalý múmkin emes. Bizdegi metro emes, soqyrshek qana. Prezıdent metronyń eki jelisin salýdy tapsyrǵan. Áýejaıdan "Barlyq" bazaryna deıin. Ony júzege asyrý úshin kóp qarajat qajet, - dep málimdedi. Sondaı-aq Ponomarevtyń pikirinshe, metrony tez arada salý qajet, óıtkeni kólik keptelisinen kóz ashpaıtyn Almaty tunshyǵyp jatyr.
-Aýqymdy qarajat. Aqsha "Eksımbank" arqyly alynady. Jospar boıynsha, jylyna 8-13 mlrd teńgeden ótelip otyrady. Segiz jylda qarajat tolyq tólenip, metro da salynady dep úmittenemin, - dedi depýtat.
Sergeı Ponomarev bıýdjet kodeksine osyndaı ózgeris engizýdi usynǵanyn, osyǵan qatysty habardy halyqqa jetkizip otyratynyn da aıtty.
Buǵan deıin ótken jyly jeltoqsan aıynda Almaty metrosynyń "Qalqaman" beketi 2025 jyly ashylatyny málim bolǵan-dy. Keıin 2030 jylǵa deıin "Barlyq" bazaryna deıin taǵy úsh beket ashý josparda bar ekeni habarlanǵan bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir