19 Qarasha, 2024 NEWS
Vıse-mınıstr kókónisten tarshylyq bolmaıtynyn aıtty
Aýyl sharýashylyǵy vıse-mınıstri Azat Sultanov ishki naryqtyń otandyq kókónispen qamtamasyz etilýine qatysty pikir bildirdi.
Ashyq derekkózden
Úkimet otyrysynan keıingi brıfıngte vıse-mınıstr osydan birneshe jyl buryn ishki naryqta kartop baǵasynyń kúrt óskeni baıqalǵanyn eske saldy.
- Qazir mundaı problema joq. Bul ákimdikter men Aýyl sharýashylyǵy mınıstrliginiń uıymdastyrylǵan sharýashylyqtarda kartop óndirisi kólemin arttyrýǵa baǵyttalǵan jumysynyń arqasynda múmkin bolyp otyr. Mundaı sharýashylyqtar ónimdi qalalar men iri saýda jelilerine ortalyqtandyrylǵan jetkizilimmen qamtamasyz etedi. Kókóniske qatysty da jaǵdaı solaı. О́nim jınaldy jáne jańa jylǵa deıin ózimizdiń kókónispen tolyqtaı qamtamasyz etilgenbiz. Bul kartopty qosa alǵanda sorpa jıyntyǵy dep atalǵan negizgi topqa qatysty, - dedi Azat Sultanov.
Sonymen qatar ol kókóniske jetkizýge qatysty negizgi problema maýsymaralyq kezeńde týyndaıtyndyǵyn atap ótti. Degenmen, qabyldanyp jatqan sharalardyń arqasynda naryq turaqty ekendigin basa aıtty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir