18 Qarasha, 2024 NEWS
Úkimet sharýalardan astyq satyp alýǵa 10 mlrd teńge bólmek
Jýyrda Úkimettiń atyna bıylǵy egindi saqtaý jáne ótkizý máseleleri boıynsha depýtattyq saýal joldanǵan.
Kórneki sýret
Bul týraly Aýyl sharýashylyǵy mınıstri Aıdarbek Saparov Májilistiń keńeıtilgen otyrysynda aıtty.
"Biz jedel sheshýdi qajet etetin birqatar máselelerdi jarııaladyq. Atap aıtqanda, memleket fermerlerdiń 2011 jyly 5 mln tonnadan astam astyq satyp alǵandaı bıyl úlken kólemde astyq satyp alyna ma? Astyq satyp alý baǵasynyń quldyraýyna baılanysty jaǵdaıdy qalpyna keltirý úshin ne istelip jatyr? Kóktemgi egis pen egin jınaý jumystaryna berilgen nesıeler boıynsha tólemdi kem degende kelesi jyldyń kóktemine deıin uzartý boıynsha sheshim qabyldaýǵa bola ma? Búginde kólemdi 350 mlrd teńgeden asyp ketken fermerlerge beriletin sýbsıdııalar boıynsha qaryzdar osy jyldyń sońyna deıin tólene me? Úkimet memleket pen fermerler arasyndaǵy ekijaqty mindettemelerdi azaıtý úshin ózara esep aıyrysý tetigin qoldanýy múmkindigin qarastyra ma?", – dedi depýtat Serik Egizbaev.
Budan bólek astyqty úzdiksiz eksporttaý úshin vagondardy jetkizý máseleleri qalaı sheshiletini naqtylandy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir