18 Qarasha, 2024 NEWS
Joshy han: Qazaqstanda tarıhı serıaldyń túsirilimine daıyndyq bastaldy
2024 jyldyń kókteminde Altyn Ordanyń negizin qalaýshy Joshy han týraly shaǵyn serıal túsiriletini aıtylǵan.
Ashyq derekkózden
Búgin jobanyń atqarýshy prodıýseri ári rejısseri Emre Shahın, prodıýser Fıkret Manoglý jáne qoıýshy-sýretshi Zekı Saraıoglý Astanaǵa Qazaqstan Respýblıkasynyń Memlekettik keńesshisi Erlan Qarınmen kezdesýge keldi.
Karga Seven Pictures prodıýserlik ortalyǵynyń málimetinshe, serıal ssenarııi jazylyp bitken. Al ssenarııdi daıyndaýǵa Djastın Pollard ("Vıkıngter") jáne Kler Morsým ("Oýtloý Kıng") sııaqty tanymal jazýshylarmen qatar qazaqstandyq jáne halyqaralyq tarıhshylar, sarapshylar qatysqan.
Karga Seven Pictures ókilderi ssenarııdi ázirleý Joshy Ulysy men Altyn Ordanyń tarıhyn, sondaı-aq kóshpeli halyq pen qazaqtardyń mádenı qundylyqtary jáne ómir saltyn tereń zertteýdi qamtyǵanyn aıtty. Avtorlar túsirilim oryndary izdestirilip jatqanyn jáne qazirgi ýaqytta kastıng ótip jatqanyn tilge tıek etti. Serıaldyń túsirilimi jaqyn arada bastalady.
Qarınniń sózinshe, jobanyń mańyzdylyǵyna toqtalyp, Joshy han dáýirinde ómir súrgen oıshyldar álemdik tarıh pen geosaıasatqa erekshe áser etti.
О́z kezeginde Karga Seven Pictures ókilderi Altyn Ordanyń tarıhy álemdik aýdıtorııa men halyqaralyq dıstrıbıýtorlardyń qyzyǵýshylyǵyn týdyrǵanyn alǵa tartty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir