14 Qarasha, 2024 NEWS
Ákimder men mınıstrler qansha jalaqy alady?
Ulttyq statıstıka bıýrosy oblys ákimderi ortasha eseppen 1,7 mıllıon teńge, mınıstrler 1,5 mıllıon teńge jalaqy alatynyn málimdedi, - dep habarlaıdy Qamshy.kz aqparat agenttigi Finprom.kz portalyna silteme jasap.
Kórneki sýret
Ulttyq statıstıka bıýrosynyń málimdeýinshe, memlekettik qyzmetkerler arasynda eń joǵary jalaqy premer-mınıstr men onyń orynbasarlary aıyna 2,5 mıllıon teńge alady.
Oblys ákimderi ortasha eseppen 1,7 mıllıon teńge, mınıstrler 1,5 mıllıon teńge, májilis depýtattary 1,3 mıllıon teńge, senat depýtattary 1,1 mıllıon teńge alady. Bul aqparat statıstıka bıýrosynyń resmı derekterine negizdelgen jáne ashyq, qoljetimdi.
Al 788,7 myń teńgeden joǵary jalaqyny tek Qazaqstannyń eń úlken nemese belsendi damyp kele jatqan bes óńiriniń basshylary alady. Eń joǵary jalaqy Almatyda – 1,2 mıllıon teńgeden asady. Munaı salasynyń basshylary az jalaqy almaıdy: Atyraý oblysynda bul kórsetkish 983,5 myń teńge, Mańǵystaý oblysynda 791 myń teńgege saıady.
Astanadaǵy kompanııa basshylary da aıyna 853,8 myń teńge alady. Al Jambyl (496,5 myń teńge), Soltústik Qazaqstan (517,2 myń teńge) jáne Túrkistan (526 myń teńge) oblystaryndaǵy uıym basshylarynyń jalaqylary aıtarlyqtaı tómen. Shymkent qalasynda jáne Ulytaý, Qyzylorda, Qostanaı jáne BQO-da basshylardyń jalaqysy 600 myń teńgege jeter-jetpes alady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir