13 Qarasha, 2024 NEWS
BQO-da ákesin óltirgen turǵyn 10 jylǵa sottaldy
BQO qylmystyq ister jónindegi mamandandyrylǵan aýdanaralyq sotynda ákesin óltirgen I-ǵa qatysty úkim shyqty.
Ashyq derekkózden
Atalmysh sottan málim etkendeı, oǵan QR QK 99-baby 1-bóligine (adam óltirý) sáıkes aıyp taǵyldy. Oqıǵa Syrym aýdany Qońyr aýylynda bolǵan. Ishimdik ishken I. mas kúıinde ákesimen sózge kelip, aǵashpen onyń basynan jáne ıyǵynan birneshe ret soqqy jumsaǵan. Saldarynan ákesi oqıǵa ornynda jan tapsyrǵan. «Sottalýshy óz kinásin tolyq moıyndap, isine ókinetinin aıtty. Sottyń úkimimen I. ózine taǵylǵan aıyp boıynsha asa aýyr qylmysty jasaǵany úshin kináli dep tanyldy. Úkimdi shyǵarý kezinde sottalýshynyń minez-qulqy, qoǵamdyq qaýiptilik dárejesi men jasaǵan qylmysynyń aýyrlyǵy jáne shyn nıetpen ókinýi eskerildi. Sot zań talaptaryn negizge ala otyryp, I-ǵa QR QK-niń 99-babynyń 1-bóligimen 10 jyl bas bostandyǵynan aıyrý jazasyn taǵaıyndady. Jazasyn qaýipsizdigi barynsha joǵary qylmystyq-atqarý júıesi mekemesinde óteý belgilendi. Sot úkimi zańdy kúshine endi», - dep habarlady vedomstvodan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir