11 Qarasha, 2024 NEWS
2025 jyldan bastap elimizde medısınalyq anyqtama elektrondy nusqada beriledi
Qazaqstanda 2025 jyldan bastap jeke medısınalyq qujattardy berý, esepke alý jáne júrgizý elektrondy formatqa kóshedi.
Kórneki sýret
Densaýlyq saqtaý mınıstrligi bul qazaqstandyqtardyń qarjysyn únemdeýge múmkindik beredi dep esepteıdi.
Mınıstrliktiń aıtýynsha, sıfrlyq formatqa kóshirý densaýlyq týraly anyqtamalardyń burmalanýyn joıady. Endi ashana men dámhanalar, meıramhana, balabaqshalar men mektep qyzmetkerleri medısınalyq tekserýden ótkeni týraly jalǵan málimetter bere almaıdy.
Densaýlyq saqtaý mınıstrliginiń málimetinshe, búginde elimizde 1,6 mıllıon qazaqstandyqtyń jumysqa qabyldanǵany týraly belgisi bar jeke medısınalyq kitapshalary bar, onyń ishinde:
- qoǵamdyq tamaqtandyrý salasynda – 780 myń;
- bilim berý salasynda – 550 myń;
- densaýlyq saqtaý salasynda – 272 myń;
- jeke sektorda – 52 myń.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir