08 Qarasha, 2024 NEWS
Imanǵalı Tasmaǵambetov álemde kúsheıe túsken qaýip-qaterlerdi atady
UQShU uıymǵa múshe memleketterdiń qaýipsizdigin qamtamasyz etý boıynsha tıisti sharalar qabyldap jatyr.
Ashyq derekkózden
UQShU bas hatshysy Imanǵalı Tasmaǵambetov Máskeýde TMD-ǵa múshe elderdiń qaýipsizdik keńesteri hatshylarynyń 12-otyrysyna qatysty. О́z kezeginde Imanǵalı Tasmaǵambetov UQShU perımetri boıynsha jáne jalpy álemdegi mynadaı qaýip-qaterdi tizip shyqty:
- Batys Eýropa aýmaǵynda alys qashyqtyqtaǵy qarýdy ornalastyrý týraly qabyldanǵan amerıkalyq-germandyq sheshim qurlyqta jáne tutastaı alǵanda, álemde ıadrolyq-zymyrandyq qarýlanýdyń qaıta jandaný qaýpin týdyrǵan;
- Belarýs pen Reseı Federasııasynyń shekaralarynda NATO qarýly kúshteri men aqparattyq soǵys ortalyqtarynyń shoǵyrlanýy jalǵasyp jatyr. Fınlıandııa men Shvesııa Soltústik Atlantıkalyq alıansqa qosylǵannan keıin strategııalyq jaǵdaı nasharlaǵan;
- Reseımen qarýly qaqtyǵysty jalǵastyrý úshin Ýkraınaǵa ekonomıkalyq, qarjylyq jáne áskerı qoldaý artyp barady. Úlken aýmaqtarda, sonyń ishinde urys aımaǵynan tys jerlerde apatty saldarǵa ákeletin atom elektr stansııalaryndaǵy tótenshe oqıǵalardyń qaýpi birneshe ese artqan;
- Jasandy ıntellektti áskerı maqsatta paıdalanýdyń qarqyndy damýy, ólimge ákeletin avtonomdy qarý júıeleriniń (LAWS) jappaı óndirisi jáne olardy paıdalanýdy naqty retteýdiń joqtyǵy sııaqty halyqaralyq turaqtylyqqa qatysty máseleler kúsheıe túsken.
Sondaı-aq ol UQShU-nyń uıymǵa múshe memleketterdiń qaýipsizdigin qamtamasyz etý boıynsha tıisti sharalar qabyldap jatqanyna sendirdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir