Bektenov Rınat Zaıytovtyń saýalyna jaýap berdi

Premer-mınıstrdiń resmı jaýabynda quqyq qorǵaý organdarynyń derekteri boıynsha elimizde “Kaleıdoskop”, “Feminita” jáne “KazFem” degen 3 beıresmı birlestik jumys isteıtini jazylǵan. Olardyń qyzmeti dástúrli emes jynystyq baǵyttaǵy áıelderdiń quqyqtary men bostandyqtaryn qorǵaýmen, onyń ishinde qoǵamda LGBT-qoǵamdastyǵynyń ókilderine degen tolerantty kózqarasty ilgeriletýmen baılanysty.

-Kórsetilgen birlestikter bıyl jergilikti atqarýshy organdarmen kelispeı, toptyq aksııalar uıymdastyrǵan. Bul jaǵdaıda olardyń áreketi Qazaqstan Respýblıkasynyń beıbit jınalystardy uıymdastyrý jáne ótkizý tártibi týraly zańnamasyn buzý bolyp saralandy. ÁQBtK-niń 488-baby boıynsha 2 belsendi ákimshilik jaýapkershilikke tartyldy, - delingen jaýapta.

О́z kezeginde LGBT-qozǵalysyn ekstremıstik dep tanýdy halyqaralyq quqyq qorǵaý uıymdary azamattardyń senim bildirý jáne qoǵamdyq birlestikterge qatysý bostandyǵyna quqyqtaryn buzý retinde qarastyrýy múmkin.

- Birqatar eldiń zańnamasy LGBT-ny kámeletke tolmaǵandar arasynda “nasıhattaýdy” shekteıtinin atap ótken jón, alaıda bul sharalar tek buqaralyq turǵydan qarastyrylady jáne mundaı qozǵalystardy ekstremıstik dep jikteýge qatysy joq. Sonymen birge, bıyl Mádenıet jáne aqparat mınıstrligi LGBT-ny ashyq jáne jasyryn nasıhattaýǵa qarsy petısııany qaraıtyn jumys tobyn qurdy. Onyń quramyna Parlament depýtattary, qoǵamdyq birlestikterdiń, múddeli memlekettik organdardyń ókilderi kirdi. Nátıjesinde “jasóspirimder men balalardy seksýaldyq qatynastardy nasıhattaýdan qorǵaý, saqtaý týraly” talap bóliginde petısııany ishinara qanaǵattandyrý týraly sheshim qabyldandy, - dep jaýap berdi Bektenov.