Foto: Abaı oblysy ákimdigi
Respýblıka kúninde Abaı oblysynda senbilik ótip, kóshet otyrǵyzyldy. О́ńirdi kógaldandyrý jáne ekologııalyq jaǵdaıdy jaqsartý maqsatynda ótken sharaǵa 200-ge jýyq adam qatysty. Olardyń qatarynda oblys ákimi Nurlan Uranhaev, máslıhat tóraǵasy Qýanysh Súleımenov, oblystyq basqarma basshylary, saıası partııalar ókilderi, depýtattar, qoǵam belsendileri, jastar jáne belsendi turǵyndary bar.
Senbilik aıasynda jergilikti klımatqa arnaıy tańdap alynǵan 100 túp úıeńki men jóke kóshetteri otyrǵyzyldy. Bul aǵash túrleri aımaqtyń ekologııalyq jaǵdaıynda jaqsy ómir súredi jáne qalalyq keńistikterdi kórkeıtýge úles qosa alady.
«Respýblıka kúni aıasynda «Taza Qazaqstan» aksııasyn jalǵastyryp otyrmyz. Bul bir kúndik shara emes, aldaǵy ýaqytta da jalǵasyn tabady. Oblys ortalyǵynan bólek, barlyq qala, aýdandarymyzda úlken qoldaý taýyp otyr. Bizdiń maqsatymyz – aǵash otyrǵyzý ǵana emes, ekologııalyq mádenıetti damytý», – dedi aımaq basshysy Nurlan Uranhaev.
Senbilik tek aǵash otyrǵyzýmen shektelip qalǵan joq. Qatysýshylar sonymen qatar aýmaqtardy tazalap, qoǵamdyq aýmaqtardy abattandyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir