Aqyn, sazger, atbegi QAJYTAI ILIIаSULY

2024 jyldyń 17 qazan kúni Almaty qalasy, Qazaqstan jazýshylar odaǵynyń «Ádebıetshiler úıinde»  Qazaqstannyń Eńbek sińirgen qaıratkeri, Halyqaralyq «Alash» ádebı syılyǵynyń ıegeri, aqyn, sazger, satırık, atbegi Qajytaı Ilııasulynyń 85 jasqa tolýyna oraı ádebı-mýzykalyq eske alý keshine ál-Farabı atyndaǵy QazUÝ-dyń, oqytýshy professor quramy jáne fılologııa fakýltetiniń 1 kýrs doktoranttary sondaı-aq JOO-ǵa deıingi daıyndyq kafedrasynyń shetelden kelgen qandas tyńdaýshylar qatysyp «Qajytaıdyń Báıgetóbesi» atty tyń estelikter jınaǵynyń tusaýkeser rásiminiń kýási bolyp qaıttyq.

​         Bul ádebı-mýzykalyq eske alý keshiniń shymyldyǵyn joǵary oqý oryndarynan kelgen professor-oqytýshylardyń Qajytaı Ilııasulyna arnalǵan jyly lebiz jáne quttyqtaý hattarymen  ashyldy. Atap aıtqanda, bul is-sharaǵa Ál-Farabı atyndaǵy Qazaq ulttyq ýnıversıteti, Abaı atyndaǵy Qazaq ulttyq pedagogıkalyq ýnıversıteti, Qorqyt ata atyndaǵy Qyzylorda memlekettik ýnıversıteti, Qazaq ulttyq qyzdar pedagogıkalyq ýnıversıtetiniń ókilderi qatysty.

Ádebı-mýzykalyq keshte mazmundy, maǵynaly estelikter men Qajytaı Ilııasulynyń sózine jazylǵan «Qarshyǵa», «Arman-aı» syndy ánder oryndaldy. Sonymen qatar, belgili sazger, kúıshi Seken Turysbekov «Kóńil tolqyny» kúıin jáne mádenıet salasynyń úzdigi, ánshi, sazger Muratbek Sarybasov aqynnyń «Keshiktiń nege sen?» ánin tamasha oryndady.

Qajytaı Ilııasulynyń kúıshi balasy Nurjan Jumataı Jaqypbekovtiń «Qajytaıǵa» atty kúıin keremet sheberlikpen oryndap, qatysýshylardyń yqylasyna bólendi. Stýdentterdiń oryndaýymen aqyn óleńderine ádebı toptama kópshiliktiń kóńilinen shyqty.

Ádebı kesh sońynda aqyn, sazger Qajytaı Ilııasulynyń jary Qazaq ulttyq qyzdar pedagogıkalyq ýnıversıtetiniń professory, fılologııa ǵylymdarynyń doktory Rýda Zaıkenova kesh qonaqtaryna, stýdentterge alǵys rızashylyǵyn bildirip, birneshe qurmetti qonaqtarǵa shapan japty.

Sonymen qatar, «Qajytaıdyń Báıgetóbesi» atty kitaptyń mazmunyna qysqasha toqtalyp ótti. Bul kitapta negizinen, Qajytaı Ilııasulynyń shyǵarmashylyq ómirbaıany men «Qajytaı aýzynan» degen aıdarmen berilgen aqynnyń qanatty sózderi men maqal-mátelderi, batalary keıinge urpaqqa qaldyrǵan ónegeli, ǵıbratty mura ekeni dáriptelip, nasıhattaldy.

Qoryta aıtqanda, Qajytaı Ilııasuly jalpy adamdarǵa, jastarǵa úlgi-ónege bolatyndaı ǵıbratty sózimen máńgi esimizde qalady. Aqyn:

Dúnıe senen de óter, menen de keter,

Áýenim aqqýdy da eleńdeter.

Taq pen baq, jıǵan tergen jolda qalar,

Án men kúı keıingige óleń jeter.

Qajytaı Ilııasulynyń 85 jasqa tolýyna oraı ádebı-mýzykalyq eske alý keshiniń sońy aqyn otbasylarynyń uıymdastyrýmen meıramhanada quran-qatym oqylyp, as berildi. Qajytaı Ilııasuly aǵamyzdyń jany jánnaty bolsyn! Artynda qalǵan urpaqtary aman bolsyn! Elimiz aman, jurtymyz tynysh bolsyn!

Ál-Farabı atyndaǵy QazUÝ, fılologııa fakýlteti,

Qazaq ádebıeti jáne ádebıet teorııasy kafedrasynyń

f.ǵ.k., professor m.a., Sarbasov B.S.,

fılologııa fakýltetiniń1 kýrs doktoranty,

JOO-ǵa deıingi daıyndyq kafedrasynyń

 aǵa oqytýshysy  G.M.Mýjıgova