21 Qazan, 2024 NEWS
Túrkııada tóńkeris jasaýǵa árekettendi dep aıyptalǵan Fethýllah Gúlen kóz jumdy
Túrik aqparat quraldary 2016 jyly tóńkeris jasamaq boldy dep aıyptalǵan "Hızmet" uıymynyń múshesi, dinı qyzmetker Fethýllah Gúlenniń qaıtys bolǵanyn málimdedi.
Ashyq derekkózden
BAQ málimetinshe, Amerıkanyń Pensılvanııa shtatynda turatyn FETO (Fethýllashy lańkestik uıym) uıymynyń jetekshisi Fethýllah Gúlen qaıtys boldy.
Buqaralyq aqparat quraldarynyń habarlaýynsha, keıingi kezderi Gúlenniń densaýlyǵy nasharlap ketken. Búırek jetkiliksizdigi men qant dıabetimen qatar, aqyl-esi aýysa bastaǵan.
Aıta keteıik, túrik bıligi FETO (Fethýllashy lańkestik uıym) dep ataıtyn Gúlen uıymyn 2016 jylǵy shildedegi tóńkeris áreketine qatysy bar dep aıyptaıdy. Túrkııada kóterilisten keıin 80 myńnan astam adam tutqyndaldy. 150 myńǵa jýyq memlekettik qyzmetker, sonyń ishinde áskerıler jumystan shyǵaryldy. AQSh-ta bolǵan Gúlen tóńkeris áreketine aıyptaldy. Degenmen Gúlen ózine taǵylǵan aıyptardy joqqa shyǵardy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir