21 Qazan, 2024 NEWS
Qazaqstanda júrgizýshilerge mopedin tirkeý úshin qandaı qujattar keregi aıtyldy
Ishki ister mınıstrligine qarasty ákimshilik polısııa komıteti moped ıeleriniń transportyn tirkeý úshin usynýǵa tıis naqty qujattar tizimin jarııalady.
Kórneki sýret
Eń áýeli azamattar jeke basty kýálandyratyn qujatty (jeke basty sáıkestendirý úshin) nemese sıfrlyq qujattar servısinen elektrondy nysandaǵy qujatty alýy qajet. Sonymen qatar Salyq kodeksininiń 553 jáne 615-baptarynda kózdelgen tirkeý alymymen KQTK, MTNB bergeni úshin memlekettik bajdyń tólengenin rastaıtyn qujattar bolýy kerek.
- tehnıkalyq qujat (bar bolǵan jaǵdaıda) nemese mopedtiń tehnıkalyq sıpattamalary týraly ashyq aqparattyq kózderden alynǵan málimet;
- transport ıesiniń ótinishi;
- kólik quralyn qarap tekserý aktisi (kólik quralyn bastapqy tirkeý kezinde) qajet.
Ákimshilik polısııa komıtetiniń málimetinshe, moped jaqtaýynyń nómiri bolmaǵan jaǵdaıda sáıkestendirý nómirin ýákiletti organ tirkeý áreketteri jasalǵanǵa deıin moped ıesiniń ótinishi boıynsha usynady.
Aıta keteıik, qazanda prezıdent Qasym-Jomart Toqaev Qazaqstanda mopedter men skýterlerdi mindetti tirkeý týraly zańǵa qol qoıdy. Jańa zańǵa sáıkes mopedıster de A1 sanatyndaǵy júrgizýshi kýáligin alýǵa mindetti bolady. Ishki ister mınıstrliginiń málimetinshe, mopedterdi tirkeý algorıtmi áli ázirlenip jatyr. Júrgizýshiler kelesi jyldyń sáýirine deıin jazalanbaıdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir