Qarashańyraqta ótken taǵylymdy konferensııa

Ál-Farabı atyndaǵy QazUÝ-dyń https://farabi.university/ «Farabı» kitaphanasynda  kórnekti memleket jáne qoǵam qaıratkeri Nurtas Ońdasynovtyń 120 jyldyǵyna arnalǵan «Tarıh jáne tulǵa: zııatkerlik jáne qundylyq baǵdary» atty ǵylymı-teorııalyq konferensııasy ótti Konferensııaǵa qara shańyraqtyń OPQ, stýdetter, ǵalym-zerteýshiler qatysty. Ǵylym-teorııalyq konferensııanyń shymyldyǵyn bilim ordasynyń  Basqarma tóraǵasy – Rektory Janseıit Qanseıituly Túımebaev myrza ashty.

Sonymen qatar shara barysynda Qazaqstan Respýblıkasy Prezıdentiniń keńesshisi  Otarbaev Málik Nurjanuly,  Almaty qalasy ákiminiń keńesshisi Mamaı Qanıuly Ahmetov, Memleket jáne qoǵam qaıratkeri, QR UǴA akademıgi Murat Jurynuly Jurynov myrzalar minberden quttyqtaý sózderin oqyp, Nurtas Ońdasynovtyń ómiri men shyǵarmashylyǵy sondaı-aq eńbek jolynyń negizgi tustaryn jaıynda  Nurtas Ońdasynov zertteýshi jýrnalıst Gúlsim Orazalıeva, Tarıhshy, ǵalym professor Qoıgeldıev Mámbet Quljabaıuly syndy kóptegen zerteýshi ǵalymdar baıandama jasady.

N.Ońdasynovtyń ómir jolyn jáne onyń respýblıkanyń áleýeti men ekonomıkasyn damytýǵa, qazaq ǵylymy men mádenıetin, qazaq til bilimin nasıhattaýǵa qosqan úlesin keńinen nasıhattaýǵa baǵyttalǵan konferensııanyń ashylý saltanatynda onyń ómir joly týraly derekti fılm qalyń kórermen nazaryna usynyldy. N.Ońdasynovtyń memleketti 13 jyl ádil basqarǵanyn, sondaı-aq onyń basty qasıeti – eńbekqorlyǵy ekenin basa aıtty. Mine, osylaısha 1922-1927 jyldar aralyǵynda Tashkent orman sharýashylyǵy tehnıkýmynda oqyp, 1938-1951 jyldary Qazaqstan úkimetin basqaryp, 1954-1955 jyldary Qazaq KSR Joǵarǵy Keńesi Prezıdıýmynyń tóraǵasy bolyp saılanyp, qazaq úshin aıanbaı eńbek etken qaıratkerdiń artyna qaldyrǵan murasyn QazUÝ jastary men jas ǵalymdarǵa jetkizý maqsatynda uıymdastyrylǵan konferensııanyń keıingi urpaqqa bereri mol jıyn ekeni keńinen nasıhattaldy.

Qazaq ádebıeti jáne ádebıet teorııasy kafedrasynyń

1 kýrs doktoranty G.M.Mýjıgova,

JOO-ǵa deıingi daıyndyq kafedrasynyń

aǵa oqytýshysy Ibraımova J.T.