Almaty oblysy shetelden keletin ınvestısııalardyń tartylys kúshine aınala aldy ma?

О́ńirdiń tabıǵı baılyǵy onyń kórkem landshafttarynda ǵana emes, sonymen qatar mańyzdy paıdaly qazbalar qory men jer resýrstarynda.  Bul resýrstar taý-ken ónerkásibi, agrobıznes jáne jańartylatyn energııa jobalary úshin aıtarlyqtaı múmkindikter usynady.  Qolaıly klımattyq jaǵdaılar aýyl sharýashylyǵy men óndiristik qýattardy damytýǵa yqpal etedi, bul ásirese turaqty jáne boljamdy jaǵdaılardy izdeıtin ınvestorlar úshin mańyzdy.

Almaty oblysynyń damyǵan ınfraqurylymy onyń ınvestısııalyq tartymdylyǵynda sheshýshi ról atqarady. Zamanaýı kóliktik kommýnıkasııalar jelisi, logıstıkalyq ortalyqtar jáne halyqaralyq naryqtarǵa shyǵý tabysty bıznes pen iri jobalardy júzege asyrý úshin jaǵdaı jasaıdy.  Bul aspekt jetkizý tizbegin ońtaılandyrýǵa jáne operasııalyq shyǵyndardy azaıtýǵa umtylatyn kompanııalar úshin erekshe baǵaly.

Qazirgi tańda oblystyń ınvestısııalyq qorjynynda jalpy quny 6,1 trıllıon teńgeden asatyn 211 joba bar. Onyń ishinde jalpy quny 2 trıllıon teńgeden asatyn 35 joba sheteldik ınvestorlardyń qatysýymen júzege asyrylýda. Sonymen qatar, 2024 jyly jalpy quny 329 mlrd teńgeni quraıtyn taǵy 35 joba iske asyrý satysynda tur.

Kóptegen iri halyqaralyq kompanııalar Almaty oblysynyń áleýetin baǵalap úlgerdi.  Sátti jobalardyń ishinde «PepsiCo Central Asia» JShS, «KT&G», «Jetisý volfram» JShS, «Prıma Qus» JShS, «TehnoNIKOL – Ortalyq Azııa Korporasııasy», «STK Sokol» JShS, «Shın Laın» JShS, «Focus Logistics» JShS, «SSA Fruits» JShS sııaqty alyptardyń jumysyn atap ótýge bolady. «Semirechya Energy» JShS jáne «Oı-Qaraǵaı Lesnaıa Skazka» JShS.  Bul kompanııalar aımaqtyń joǵary ınvestısııalyq áleýetin rastap qana qoımaı, onyń jetekshi ekonomıkalyq ortalyqqa aınalýǵa degen umtylysyn kórsetedi.

Jobalaryn aıaqtap, tabysty óndiristi bastaǵan kompanııalar erekshe nazar aýdarýǵa turarlyq.  Mundaı kompanııalardyń mysaldary JTI Kazakhstan, Mareven Food Tien Shan, KNAUF, Henkel, Philip Morris Kazakhstan LLP, The Coca-Cola Company, Efes Kazakhstan.  Olardyń jetistikteri Almaty oblysynda uzaq merzimdi jáne jemisti bıznes úshin tamasha jaǵdaı jasalǵanynyń aıqyn dáleli.

Osylaısha, tabıǵı resýrstardyń, klımattyq artyqshylyqtardyń jáne damyǵan ınfraqurylymnyń úılesýi Almaty oblysyn ınvestısııa úshin tartymdy etedi.   Halyqaralyq korporasııalar tarapynan ósip kele jatqan qyzyǵýshylyqtar, Qazaqstannyń eń perspektıvaly jáne qarqyndy damyp kele jatqan aımaqtarynyń biri retindegi mártebesin rastaıdy.