Almaty men Shyǵys Qazaqstan oblysy yntymaqtastyqty keńeıtýde

Shyǵys Qazaqstan oblysyna jumys sapary barysynda Almaty ákimi Erbolat Dosaev pen óńir basshysy Ermek Kósherbaev birneshe baǵyt boıynsha óńiraralyq kooperasııany kúsheıtýge kelisti.

Keńeste Almaty men Shyǵys Qazaqstan oblysynyń ekijaqty ekonomıkalyq baılanystary myqty ekendigi atap ótildi. Máselen, 2023 jyly ózara saýda kólemi 30 mlrd teńgeden asty. Alaıda taraptar óńirler arasyndaǵy ózara tıimdi yntymaqtastyqtyń áleýeti aıtarlyqtaı keńeıtilýi múmkin ekenin atap ótti.

Taraptar ShQO aýyl sharýashylyǵy taýar óndirýshilerimen jobalardy iske asyrý múmkindikterin talqylady. Almaty jylyna 4,2 mlrd dollarǵa 1,8 mln tonna ónim tutynady, onyń shamamen 45% - y ımporttalady.

ShQO-da óndirilgen aýyl sharýashylyǵy ónimderin Almaty tutynýshylaryna jetkizýdi qamtamasyz etý maqsatynda deldaldarsyz, megapolıs turǵyndaryna óz ónimderin usynýdy jáne ózderiniń jelilik saýda núktelerin qurýdy josparlap otyrǵan kompanııalardyń short-paraǵy jasalady.

Megapolıs bazarlarynda Shyǵys Qazaqstandyq azyq- túlik taýarlarynyń ókildigin keńeıtý úshin Almatydaǵy qoldaý quraldaryn paıdalanýǵa bolady. Mysaly, «forvardtyq satyp alý» jáne «aınalym zaemdary» boıynsha qarjylandyrý arqyly.

Qadamdyq iske asyrý jospary 2024-2025 jyldarǵa arnalǵan yntymaqtastyqtyń Jol kartasyna engiziledi.

Budan basqa, áleýmettik mańyzy bar azyq-túlik taýarlarynyń baǵasyn tejeý úshin «Almaty» ÁKK jáne «Ertis» ÁKK bir-birine saýda jelilerine jáne Almatynyń azyq-túlik naryqtaryna ónim jetkizýge kelisimsharttar jasasý boıynsha járdem kórsetedi.

Sondaı-aq týrıstik klaster aıasyndaǵy ózara is-qımyl máseleleri qaraldy. ShQO men Almaty týrıstik kórikti jerlerimen tanymal, olarǵa sheteldik qonaqtar úshin biryńǵaı týrıstik paketter túrinde barý josparlanýda.

Kezdesý barysynda Almaty delegasııasy sıfrlyq sheshimderdi qoldanýǵa, úlken derekterdi taldaýǵa jáne paıdalanýǵa negizdelgen qalalyq jobalardy iske asyrý tájirıbesimen bólisti.

Sondaı-aq, Indýstrıaldy aımaq pen shaǵyn ónerkásip parkterin damytý tájirıbesi usynyldy. Osy jyldyń II toqsanyndaǵy jaǵdaı boıynsha Indýstrıaldy aımaqtyń rezıdentteri 2 trln teńgege jýyq ónim óndirip, 54 mlrd teńgege jýyq somaǵa salyq tóledi. Sonymen qatar, qalada 4,4 myńnan astam jumys ornyn qurýmen shaǵyn ónerkásip parkteriniń 37 jobasy iske asyrylýda.

Kezdesý qorytyndysy boıynsha taraptar ShQO-da aýyl sharýashylyǵy ónimin óndirýdi yntalandyrýǵa, ónerkásiptik kásiporyndardyń kooperasııasyna jáne eki óńirdiń týrıstik operatorlary arasyndaǵy yntymaqtastyqty damytý jónindegi sharalarǵa baǵyttalǵan ózara yntymaqtastyq týraly Memorandýmǵa qol qoıdy. Almaty jáne ShQO ákimderi bul kelisim ekijaqty yntymaqtastyqtyń sapaly jańa deńgeıge shyǵýyna yqpal etetinine senim bildirdi.