Abaı oblysynda «Jaıly mektep jobasy aıasynda 11 mektep salý josparlanǵan

Jyl basynan beri 987 pedagog biliktilikti arttyrý kýrstarynan ótken. Bul týraly óńirlik kommýnıkasııalar qyzmeti alańynda ótken brıfıngte Abaı oblysy bilim basqarmasynyń basshysy Nurjan Ahmetqalıev baıandady.

- Abaı oblysynda 361 mektepke deıingi uıym jumys isteıdi. Onyń ishinde 167 balabaqsha, olardyń 91- memlekettik, 76- shekemenshik shaǵyn ortalyqtar - 194 birlik. Mektepke deıingi uıymdarda 2554 pedagog jumys atqarady. Aıta ótsek, byltyrǵy jyly oblys boıynsha 2619 oryndyq 9 jekemenshik mektepke deıingi mekeme, Semeı qalasy boıynsha 237 oryn ashyldy. Oblystyń 302 bilim berý uıymdarynda 54594 oqýshyǵa tegin ystyq tamaq uıymdastyrylǵan. Aldaǵy ýaqytta Semeı qalasynda 1 qyrkúıekke deıin jalpy sıpattaǵy transfertter esebinen 596 oryn ashý josparlanýda, - dep atap ótti Nurjan Ahmetqalıev.

2027 jylǵa deıin memlekettik-jekemenshik áriptestik aıasynda oblysta 2100 oryndyq 9 balabaqsha salý josparlanyp otyr. Oblys boıynsha 309 jalpy bilim beretin mektep jumys isteıdi .

- Bıylǵy jyly kúrdeli jóndeý júrgizýge 3 bilim berý mekemesi úshin 335,8 mln.teńge bólingen. Onyń ishinde «Aýyl – el besigi» baǵdarlamasy sheńberinde 1 jobaǵa 120,6 mln. teńge kózdelgen. Sondaı-aq, robototehnıka kabınetterimen barlyǵy 3010 jıyntyq mektep qamtyldy. Ár mektepte 20 Lego EV3 jáne Aruino UNO robototehnıka jıyntyqtarymen qamtamasyz etilgen. Qalǵan mektepter IT synyptarymen, ınteraktıvti taqta jáne 2-3 robototehnıka quraldarymen jabdyqtalǵan, - dedi basqarma basshysy.

Mektep oqýshylaryn arnaıy oqýlyqtarmen qamtamasyz etý maqsatynda aǵymdaǵy jyly 18 maýsymda www.goszakup.gov.kz veb-portalynda jalpy somasy 491,1 mln. teńgege 16 baspamen oqý-ádistemelik keshenderdi satyp alý sharttary jasalǵan. Sondaı-aq, oqý-ádistemelik keshenderdi tasymaldaýdy qamtamasyz etýge aǵymdaǵy jylǵa 5,1 mln.teńge bólindi.

- Mektepter ornalaspaǵan 111 eldi mekenderde 4216 oqýshy kúndelikti tasymaldaýmen qamytamasyz etiledi. Oqýshylardy tasymaldaý úshin 4 kólik quralyn satyp alýǵa 100,0 mln. teńge bólindi. Sonymen qatar, erekshe bilim berý qajettilikteri bar balalardy oqytý úshin jaǵdaı jasaý basqarmanyń turaqty baqylaýynda. Oblysta aǵymdaǵy jyldyń aqpan aıynan bastap jetim balalar men ata-anasynyń qamqorlyǵynsyz qalǵan balalardy qoldaý úshin «Meıirim» aksııasy iske asyrylýda. Jospardy iske asyrýǵa 17 oblystyq basqarma, 77 ákimdik bólimderi, 70 bilim berý, 34 densaýlyq saqtaý, 3 JOO ujymdary qoldaý kórsetýde, - dedi spıker.

Abaı oblysynda «Jaıly mektep» Ulttyq pılottyq jobasy aıasynda 5700 oqýshyǵa arnalǵan 11 mektep salý josparlanǵan. Sondaı-aq, 2023-2024 jyldary oblystyń KPR sheńberinde 200 oryndyq 3 maýsymdyq lager salý kózdelip otyr.