27 Maýsym, 2024 NEWS
Kórneki sýret
Maýsymda álemniń birqatar elderi qyzyq ári arqalaıtyn júgi aýyr kúndi atap ótedi. Ol úı sharýasynda otyrǵan áıelder men erkekter kúni. Bizdiń jaǵdaıymyzda kóbine úıde áıelder otyratyny belgili. Olaı bolsa, úıde otyrý áıel adamnyń ómirine, psıhologııasyna qalaı áser etetinin anyqtap kórdik.
Ǵalymdar adamnyń jumys istemeı, úıde otyrýyn mazasyzdyq pen streske dýshar etetin sebepterdiń biri retinde kórsetedi. Túrli zertteýler nátıjesinde jumyssyz adamda ózin baǵalaý deńgeıi tómen, depressııa deńgeıi joǵary keletini anyqtalǵan.
Psıholog Erjan Myrzabaev úıde otyrǵan áıelderdi turmystyń bitpeıtin tirligi fızıkalyq turǵydan sharshatatyn bolsa, qaıtalanyp jatqan kúnder men ártúrli ortamen qatynasqa túsý múmkindiginiń joqtyǵy psıhologııalyq turǵyda sharshatatynyn aıtady. Onyń sózinshe, úıde otyrýdyń áıel psıhologııasyna keri áseri onyń ashýshań, mazasyz bola bastaýynan, únemi melanholııa jaǵdaıynda júretininen ańǵarylady.
Mundaı kúıdegi qyz-kelinshekterdi “osy sen úıde ne istep sharshaısyń” dep abaısyzda aıtylǵan sózdiń ózi ashýlandyrýy múmkin. Úıde otyrǵan áıel neden sharshaıtynyn turǵyndardan surap kórdik.
Erjan Myrzabaev depressııaǵa shaldyqqan áıelder odan aryltýdyń jalǵyz amaly jumysqa shyǵý dep túsinbeýi kerektigin atap ótti. Eger áıel úıde bala kútimine baılanysty otyrsa, nárestesin baqshaǵa berip, jumysqa shyǵýǵa asyqpaı, ózi men sábıiniń densaýlyǵyna kóńil bólýi kerektigin aıtty.
“Bul jerde áıelge jarynyń qoldaýy qajet. Keıde áıel dúnıege bala ákelgennen keıin nárestesine kóbirek kóńil bólip, erkek jyraqta qalyp, qarym-qatynasta krızıs ornap jatady. Batystyq psıhologtar osy jerde erkekter bar jaýapkershilikti alyp, áıeli men balasyn qapsyra qushaptap, kóbirek kóńil bólse, krızıs qarym-qatynasty damytyp, berik ete túsetin múmkindikke aınalady dep tujyrymdaıdy. Sondyqtan erkekter áıelin aıyptamaı, kerisinshe, ony tyńdap, qoldap, úı sharýasynda kómektesip otyrǵany durys” deıdi psıholog.
Maman úıde otyrýǵa májbúr qyz-kelinshekterdiń serigýine sportpen shuǵyldanyp, aınalysatyn ermek tabý, teatr, konsertke baryp, túrli trenıng, semınarlarǵa qatysý arqyly ómirine ártúrlilik engizý jaqsy kómektesetinin jetkizdi. Buǵan onyń jary belsendi atsalysyp, tıisti jaǵdaı jasaýy mańyzdy.
"Al úıde otyrǵan áıel aýyr kúızeliske ushyrasa, onda psıhologtardyń jeke konsýltasııasyna júgingeni jón" deıdi sarapshy.
Posmotret etý pýblıkasııý v Instagram
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir