28 Sáýir, 2024 Taza Qazaqstan
Foto: QR Mádenıet jáne aqparat mınıstrliginiń baspasóz qyzmeti
«Taza Qazaqstan» respýblıkalyq ekologııalyq aksııasynyń úshinshi aptasy aıaqtaldy.
«Jasyl aımaq» aptalyǵy aıasynda búkil el boıynsha 330 myńnan astam kóshet otyrǵyzylyp, 500-den astam saıabaq men alań abattandyryldy.
Astanada Memleket basshysy volonterler, jastar uıymdarynyń kóshbasshylary, kreatıvti ındýstrııa jáne ǵylymı zııaly qaýym ókilderimen birge aǵash otyrǵyzdy.
«Taza Qazaqstan» aksııasy aıasynda 8-27 sáýir aralyǵynda aımaqtarda 5 myńnan astam is-shara ótkizilip, oǵan 1 mln-nan astam adam qatysty.
29 sáýir men 4 mamyr aralyǵynda qarttar úıi, ardagerler, jumys barysynda qaza tapqan quqyq qorǵaý organdary qyzmetkerleriniń otbasy turatyn úıler aýmaǵyn abattandyrýǵa baǵyttalǵan «О́negeli urpaq» taqyryptyq aptalyǵy josparlanýda.
Is-sharalar Jambyl oblysynda – 29 sáýirge, Almatyda – 30 sáýirge, Aqtóbe oblysynda – 1 mamyrǵa, Shymkentte – 2 mamyrǵa, Qostanaı oblysynda – 3 mamyrǵa, Túrkistan oblysynda jáne basqa óńirlerde – 4 mamyrǵa josparlanǵan.
Jastar resýrstyq ortalyqtary, uıymdar, volonterlik qoǵamdastyqtar aksııa sheńberinde ótkiziletin barlyq is-sharalarǵa belsendi qatysady.
QR Mádenıet jáne aqparat mınıstrliginiń baspasóz qyzmeti
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir