Qazaqstanda tiri adamǵa eskertkish ornatýǵa shekteý qoıylady

Mádenıet mınıstrligi eskertkish ornatý týraly qujat jobasyn jarııalady. Erejege sáıkes eskertkishter tarıhı tulǵalar men tarıhı kúnderge, ataýly kúnderge oraı ornatylýy tıis. Al eskertkish qoıylǵan adam respýblıkalyq onomastıka komıssııasy bekitken tarıhı tulǵalar tiziminde bolýy kerek.

“Erekshe tulǵaǵa eskertkish qaıtys bolǵanynan bes jyl ótpeı qoıylmaıdy. Tek memlekettiń táýelsizdigin nyǵaıtyp, mańyzy bar tarıhı oqıǵaǵa úles qosqan, batyrlyq pen qaısarlyq tanytqandarǵa qoıýǵa ruqsat etiledi”, – delingen qujat jobasynda.

Eskertkishter jeke uıym aýmaqtarynda jáne jeke menshik ıeleri men paıdalanýshylarǵa tıesili ýchaskelerde ornatylmaýy kerek.

"Jergilikti atqarýshy organdar qurylys salý týraly usynysty ýákiletti organǵa usynady. Oǵan bólinetin qarsy rastalyp, jer ýchaskesin bólý týraly sheshim shyǵyp, tarıh jáne mádenıet eskertkishterin qorǵaý jónindegi komıssııanyń hattamasy bolýǵa tıis", – delingen erejede.

Qujatty talqylaý 20 jyldyń 21 mamyryna deıin jalǵasady.