ShQO eriktileri «Kıeli meken» aptalyǵyna belsendi qatysyp jatyr

«Úlbi» zaýytynyń qyzmetkerleri de ekoaksııaǵa atsalysty
«Taza Qazaqstan» ekologııalyq aksııasy aıasynda oblys ortalyǵyndaǵy «Úlbi metallýrgııalyq zaýyty» AQ qyzmetkerleri Vladımır Potanın eskertkishiniń aınalasyn tazalap, abattandyrý jumystaryn júrgizdi, dep habarlaıdy.
Zaýyt jumysshylary qoqys jınastyryp, qurylymnyń zaqymdalǵan elementterin qalpyna keltirdi.

«Úlbi metallýrgııa zaýyty áleýmettik jáne ekologııalyq bastamalardy árqashan qoldaýǵa umtylady. «Taza Qazaqstan» aksııasy osyndaı ıgi bastamanyń biri. Aksııa aıasynda biz búgin eskertkishti tazalap, jańartyp, syrlap, synǵan plıtalardy aýystyrdyq. Bul jumysqa on beske jýyq adam jumyla kiristi, - deıdi «ÚMZ» AQ baspasóz qyzmetiniń basshysy Alekseı Proskýrıakov.

Aıta keteıik, ótken aptada ÚMZ qyzmetkerleri ekoaksııa aıasynda 140 gektardan asatyn zaýyt aýmaǵyn tazartty. Sondaı-aq, jumysshylar zaýyt perımetri boıynsha qala aýmaǵyn abattandyrdy. Bul degenińiz, shamamen, jeti shaqyrymǵa jýyq aýmaq. Jumys áli jalǵasyp jatyr. Kásiporynnyń ár bólimi óz ýchaskesin tazalaıdy.
Kelesi aptada zaýyt qyzmetkerleri ósimdikterge kútim jasaýdy josparlap otyr.