Feık aqparatty qalaı anyqtaý kerek? (Vıdeo)

Árbir otandasymyzǵa áleýmettik jelide jalǵan aqparattar kezikken bolar. Ásirese saıası naýqan, apattyq jáne tótenshe jaǵdaılar kezinde feık aqparattar beleń alyp, dúrbeleń týǵyzyp, halyqty ábigerge salatyny taǵy bar.

Qazirgi tótenshe jaǵdaı kezinde adamdar jalǵan aqparatqa aldanyp, onyń ras ne jalǵanyn teksermeı, taratyp jatqandardy da kezdestirdik. Osy keıiptegi aqparattyq saýatsyzdyq óz kezeginde apatpen arpalysyp jatqan qutqarýshylardyń jumysyn qıyndatady. COVID-19 pandemııasy kezinde taraǵan jalǵan aqparat kesirinen adamdar vırýstyń shynynda bar ekenine senbeýi soǵan dálel. Nátıjesinde karantın sharalaryn saqtamaǵan adamdar jappaı aýyra bastap, derttiń dendep ketkenine kýá boldyq. Aýrýhana naýqas adamdarǵa tolyp, syımaǵan halyq úıinde emdelip, karantındik lokdaýn jarııalaıtyndaı deńgeıde jaǵdaıdyń nasharlaǵanyn bilemiz. Sáıkesinshe jalǵan aqparat kóbeıgen saıyn aqparattyq saýatty bolýdyń da mańyzy arta bermek.

Kúmándi habarlamalardyń ras ne ótirik ekenin qalaı ajyratamyz? Bul suraqty arnaıy aqparattyq qaýipsizdik salasynyń mamany Shyńǵys Aınabekke qoıyp kórdik:

Mamannyń aıtýynsha, Birinshiden shyqqan aqparattyń derekkózin tekserý kerek. Aqparat resmı úkimet veb-saıttary, jergilikti BAQ jáne tótenshe jaǵdaılardy basqarý uıymdary sııaqty belgili jáne senimdi derekkózden taraýy tıis.

Ekinshiden ártúrli derekkózderdegi aqparatpen salystyrý kerek. Mysaly, telearna jańalyqtary men aqparattyq resýrstardy sholyp shyǵyńyz.Eger sizge kelgen aqparat ózge esh jerde taramasa, onyń jalǵan bolýy yqtımal.

Úshinshiden. Fotosýret nemese beıne materıal kelse, onyń túpnusqa ekenine kóz jetkizińiz. Sebebi ol materıal osydan birneshe jyl buryn jarııalanǵan nemese múlde basqa memlekette túsirilgen bolýy da múmkin. Ol úshin ınternet jelisinde metaderekterdi taldaýǵa arnalǵan saıttar jetkilikti.

Mundaı jaǵdaıdaǵy taǵy bir senimdi serigińiz bar. Ol sizdiń ishki logıkańyz. Eger bir aqparat tym senimsiz nemese daýly bolyp kórinse, onyń jalǵan bolýy ábden múmkin.

Odan bólek aqparat úreı týǵyzyp, ústemeletip, emosııańyzǵa áser etetindeı formada berilse, onyń feık bolý yqtımaldyǵy da asa joǵary degen sóz.

Zańda jalǵan aqparat taratýshylarǵa 20 AEK aıyppul tóleýden bastap, 7 jylǵa deıin bas bostandyǵynan aıyrýǵa deıingi jaýapkershilik kózdelgen.

 

 

 

Posmotret etý pýblıkasııý v Instagram

 

 

 

Pýblıkasııa ot Qamshy.kz (@qamshy.media)