Reseıde Pýtın saılana almaı qalsa...

Reseıde 15-17 naýryzda prezıdent saılaýy ótýi tıis. Sonaý 2000 jyldyń naýryzynda Reseı prezıdenti bop saılanyp, bılikke kelgen Vladımır Pýtın qazir 71 jasta. Osymen besinshi merzimine baraıyn dep otyr. О́zgertilgen Konstıtýsııa boıynsha, onyń áli 2036 jylǵa deıin prezıdent bolý quqyǵy bar.

Biraq osy joly Pýtınniń saılanýy qıyndaý bolaıyn dep tur. Eki jyldan asyp bara jatqan soǵystan, sanksııalardyń kesirinen týyndaǵan qıyndyqtardan, propagandanyń taýsylmaıtyn ótiriginen, jan-jaqtan kúsheıgen qysymnan, joqshylyqtan sharshaǵan halyqtyń tózimi taýsylyp bolyp qaldy. Týra saılaý aldynda túrmedegi basty oppozısıoneri Navalnyıdyń ólimi narazy halyqtyń qataryn kúrt kóbeıtkeni shyndyq.

Jalpy, Pýtın osy joly saılana almaı qalýy múmkin. Sheteldegi oppozısııalyq kúshter Pýtınniń saılanýyna qarsy barynsha úgit-naıshatyn júrgizip jatyr. Saılaýdan keıin Reseıdiń búkil halqy kóterilse, qarýly kúshter bul joly Pýtınnen teris aınalýy múmkin.

Sonymen, Reseıde Pýtın saılana almaı qalsa, ne bolady?

Pýtın saılana almaı qalsa, Ýkraınadaǵy soǵys birden toqtaıdy. О́ıtkeni bul Pýtınniń ózi bastaǵan soǵys.

Pýtın bılikten taısa, búgin Kremlde otyrǵandardyń arasynan eshkim bılikte qala almaıdy.

Endeshe, ondaı jaǵdaıda Reseıdiń ózgeretini anyq. Bir Pýtınnen áreń qutylǵan el «ekinshi pýtınniń» bılikti alýyna jol bermes.

Eger Reseı erkindikti qalap, jańa bıligi demokratııalyq joldy tańdasa, Qazaqstan bıliginde úlken daǵdarys týyndaıdy!

Júıesi birdeı, zańdary uqsas, biriniń ádetin biri qaıtalap, birine biri súıeý bolyp otyrǵan saıası model buzylyp qalady.

«Jańa Reseı» tanymastaı bolyp ózgerip sala berse, Qazaqstan bıliginiń mundaı ssenarııge arnalǵan jospary joq sııaqty. Ondaı jaǵdaıǵa daıyn otyrǵan bedeldi shyn oppozısııa da joq ózi, Qazaqstanda.

Eń anyǵy, Pýtınniń dáýiri bitken kúni Qazaqstannyń bastan-aıaq ózgeriske ushyraýy bastalady. «Jańa Qazaqstannyń» kókesin sonda kóretin bolsaq kerek.