26 Aqpan, 2024 Qaraǵandy oblysy
"Balqash Nan" kombınatynyń qojaıyny jol apatynan kóz jumdy
Qaraǵandy oblysynda belgili kásipker, "Balqash Nan" kombınatynyń qojaıyny jol apatynan kóz jumdy. Al onyń qasynda bolǵan áıeli aýrýhanaǵa shuǵyl jetkizildi.
Ashyq derekkózden alyndy
Qaıǵyly oqıǵa 23 aqpanda saǵat 12:30-da Aqshataý aýylynan 10 shaqyrym qashyqtyqta bolǵan. Polısııa Mercedes-AMG CLS 63 pen "GAZel" kóliginiń qaqtyǵysqanyn naqtylaıdy.
"Apat saldarynan Mercedes-AMG CLS 63 kóliginiń júrgizýshisi oqıǵa ornynda qaza tapty, onyń janyndaǵy jolaýshy medısınalyq mekemege jetkizildi. "GAZel" avtokóligi tolyǵymen órtenip ketti. Atalǵan fakti boıynsha sotqa deıingi tergeý bastaldy. Tıisti saraptamalar taǵaıyndaldy", - delingen quzyrly vedomstvo habarlamasynda.
Aıta ketsek, Petr Vasılchenko - Qaraǵandydaǵy "Orıon" nan-toqash ónimderin pisiretin iri fırmanyń qojaıyny. Ol 2022 jyldyń mamyrynda "Balqash Nan" naýbaıhana kombınatyn satyp alǵan bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir