• USD 468.56

  • EUR 497.56

  • RUB 7.3

  • CNY 67.18

22 Sáýir, 15:05:20
+35°

13 Aqpan, 2024 Saıasat

Memlekettik qyzmet isteri agenttiginiń eks-basshysy Anar Jaıylǵanova dúnıeden ozdy

Qaraly habarmen QR Memlekettik qyzmet isteri agenttigi áleýmettik jelidegi paraqshasynda bólisti.

QR Memlekettik qyzmet isteri agenttigi

«QR Memlekettik qyzmet isteri agenttiginiń burynǵy tóraǵasy Anar Nuralyqyzy Jaıylǵanova 55 jasqa qaraǵan shaǵynda mezgilsiz dúnıeden ozdy. Agenttik ujymy marqumnyń týǵandary men jaqyndarynyń qaıǵysyna ortaqtasyp kóńil aıtady», delingen kóńil aıtý habarlamasynda. 

Sondaı-aq Prezıdent Qasym-Jomart Toqaev memleket jáne qoǵam qaıratkeri Anar Nuralyqyzy Jaıylǵanovanyń dúnıeden ótýine baılanysty otbasy men jaqyn týystaryna kóńil aıtý jedelhatyn joldady.

"Anar Nuralyqyzy eseli eńbek etip, elimizdiń órkendeýine bar kúsh-jigerin jumsady. Kóptegen ıgi iske atsalysyp, ózin bilikti maman retinde kórsete bildi. Naǵyz memlekettik qyzmetshige tán qalpymen abyroıly qyzmet atqarǵan Anar Nuralyqyzynyń esimi men beınesi umytylmaıdy. Marqumnyń ımany salamat, jany jánnatta bolsyn", dep jazylǵan Aqordanyń baspasóz qyzmeti jarııalaǵan jedelhatta.

Anar Jaıylǵanova 1969 jyly 10 shildede Semeı qalasynda dúnıege kelgen. 1991 jyly ál-Farabı atyndaǵy QazUÝ-dy úzdik dıplommen bitirdi.

Ár jyldary ol QR Ǵylym akademııasynyń Fılosofııa jáne quqyq ınstıtýtynda kishi ǵylymı qyzmetker, Ońtústik Qazaqstan oblystyq sotynyń keńesshisi, OQO sottynyń, sondaı-aq Joǵary sottyń sýdıasy boldy.

2019-2022 jyldary QR Memlekettik qyzmet isteri agenttiginiń tóraǵasy qyzmetin atqardy.

Marqumnyń artynda kúıeýi jáne úlken qyzy qaldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir