09 Aqpan, 2024 Quqyq
Mektep esepshisi muǵalimderdiń jalaqysyn "kertip alyp", óz týystaryna aýdaryp otyrǵan
Aldyn ala keltirilgen shyǵyn kólemi 90 mıllıon teńgeden asady. Prokýratýra atalǵan shyǵyn kólemi budan da kóp bolýy múmkin ekenin joqqa shyǵarmaıdy. Sebebi esep áli júrgizilip jatyr.
Ashyq derekkózden alyndy
Almaty oblysynyń prokýratýrasy Talǵar aýdanyndaǵy mektepterdiń birinde esepshiniń jalaqyǵa arnalǵan bıýdjet qarajatyn urlaý faktisin anyqtady.
"Bul quqyq buzýshylyq mektepte jumys istemeıtin qyzmetkerleri men olardyń týystaryna aqsha aýdarý arqyly jasalǵan. Aldyn ala keltirilgen shyǵyn 90 mıllıon teńgeden asady jáne shyǵyn áli eseptelip jatyr", delingen quzyrly vedomstvo habarlamasynda.
Atalǵan fakti boıynsha oblys prokýratýrasy Qazaqstan Respýblıkasy Qylmystyq kodekstiń 189 baby 2-bóligi 4-tarmaǵy boıynsha qylmystyq is qozǵalyp (senip tapsyrylǵan bóten múlikti ıemdenip alý nemese talan-tarajǵa salý) tergeýligi boıynsha Almaty oblysy boıynsha Ekonomıkalyq tergeý basqarmasyna joldandy.
Sondaı-aq oblystyq prokýratýra aldynda osyǵan uqsas fakt Eńbekshiqazaq aýdanynda da anyqtalyp, tergeý qorytyndysy boıynsha mektep esepshisi tergeý satysynda 10 mıllıon teńgeden astam shyǵyndy ótegenin jetkizdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir