08 Aqpan, 2024 Oqıǵalar
«Anasy izdestirilip jatyr». Túrkistanda jaldamaly páterden eki jas bala óli kúıinde tabyldy
7 aqpanda Túrkistan qalasynda jaldamaly páterlerdiń birinen eki jas balanyń denesi tabyldy. Búldirshinderdiń anasy atalǵan qylmys boıynsha kúdikke ilingen.
Ashyq derekkózden alyndy
Túrkistan oblystyq polısııa departamenti bul fakt boıynsha qylmystyq is qozǵalǵanyn, ólimniń sebebin anyqtaý úshin balalardyń denesi saraptamaǵa joldanǵanyn habarlady.
«Qazirgi ýaqytta bolǵan oqıǵanyń barlyq mán-jaıyn anyqtaý jáne balalardyń qaıtys bolǵany men olardyń meken-jaıy týraly qurbysyna habarlaǵan ananyń, ıaǵnı Qyzylorda oblysy turǵynynyń ornalasqan jerin anyqtaý maqsatynda qajetti jedel-tergeý sharalary júrgizilýde», delingen óńirlik PD baspasóz qyzmeti.
Jergilikti Otyrar telearnasy kúdikti áıeldiń Qyzylorda oblysy, Shıeli aýdanyndaǵy Pýshkın atyndaǵy №46 mektepte tárbıeshi bolyp jumys istegeni týraly aqparat taratty. Bul aqparatty Shıeli aýdandyq bilim bólimi de naqtylǵan.
О́z kezeginde Túrkistan oblysyn bas polıseıi Murat Qabdenov turǵyndardy jalǵan aqparat taratpaýdy suraıdy.
«Istiń tergeý barysy meniń jeke baqylaýyma alyndy. Jalǵan aqparat taratqanǵa jaýapkershilik qarastyrylǵanyn eskertemin jáne azamattardy tek resmı derekkózderden alynǵan málimetterge senýge shaqyramyn»,dedi ol.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir