06 Aqpan, 2024 Oqıǵalar
Semeıde alapat órt boldy
Bul joly orman emes, qalada burynnan kele jatqan, adam kóp baratyn ári brend taýarlardy kóp izdemeı tabýǵa bolatyn jalǵyz oryn - "Aqshyń" saýda ortalyǵy órtendi.
vıdeodan alyndy
Semeıde 5 aqpannan 6 aqpanǵa qaraǵan túni "Aqshyń" saýda ortalyǵy órtenip, búgin saǵat 11-39-da alapat qyzyl jalyn áreń degende aýyzdyqtalǵan. О́ıtkeni tótenshelikter joǵary temperatýra, órttiń aýqymdy aýmaqty alýy, janǵysh materıaldardyń kóptigi, ǵımarattyń ornalasýynyń kúrdeliligi jáne jeke quramnyń jumysyna qaýip tóndiretin ǵımarat shatyrynyń qulaý qaýpi órt sóndirý jumystaryn qıyndata túskenin aıtady.
Qaıtys bolǵandar men zardap shekkender joq.
"Oqıǵa ornynda órt sóndirý shtaby jumys isteıdi. Kúshter men quraldar №3 joǵary dárejede qyzmet atqarýda. Qazirgi ýaqytta órtti sóndirýge jeke quramnan 388 adam, 48 birlik tehnıka jáne 1 órt sóndirý poıyzy jumyldyrylǵan. О́rtti sóndirý jumystary jalǵasýda", deıdi Abaı oblystyq TJD baspasóz qyzmeti.
О́rttiń sebebi men aldyn ala aýdany áli anyqtalyp jatyr.
Synaq órt zerthanasy zertteýler júrgizip jatyr, órt ornynda polısııa departamentiniń jedel-tergeý toby men tótenshe jaǵdaılar departamentiniń anyqtaýshylary jumys isteýde.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir