Nazarbaev qazaqty jek kóredi – Ýálıhan Qaısarov

Nazarbaev eshqandaı da dara tulǵa emes. Ol qýlyqpen, aldaýmen, jylpostyqpen bılikke jetip alǵan qarapaıym qý pende.

Qazaqstannyń taǵdyry onsyz da qaıǵyly. Biraq egerákı ǵaıyptan Nazarbaev SSSR-di basqarǵan bolsa, Qazaqstannyń taǵdyry qazirgiden de qıyn bolar edi. Ol qazaqtyń bárin sovet odaǵynyń qurbandyǵyna shala salar edi. О́ıtkeni Nazarbaev ǵumyr boıy basqa ulttardyń aldynda jaqsy ataný úshin qazaqtardy jer qylyp keldi. Orys ókpelemesin, nemis renjimesin, ýkraınder, basqalar bolsyn, basqasha túsinip qalmasyn dep qazaqtyń múddelerin satyp jiberedi ol. 30-shy jyldardaǵy Goloshekınnen asyp túser edi. Ol Qazaqstandaǵy qazaqtan basqa ulttyń báriniń qamyn kúıtteýmen aınalysty. Qazaq ol úshin qunsyz. Basqa ulttar qundy. SSSR-di Nazarbaev basqarǵanda, qazaq quryp keter edi, jer betindegi eń baqytsyz halyqqa aınalyp keter edi. Nazarbaev Máskeýge bara almaı, qaıta Qudaı saqtady bizdi, SSSR-diń ydyrap, qulaǵany saqtady bizdi.

Nazarbaevtyń sońǵy kitabyn qolyma ustap, aýdaryp-tóńkerdim de, satyp alǵan joqpyn. Men ondaı aqymaq, loh emespin ǵoı. Otyz jyl onyń aıtqan ótirigin estip kelip, endi jazǵan ótirigin oqýym qalypty. Adal eńbekpen tapqan aqshamdy endi sonyń gonoraryna tóleýim kerek pe? Nazarbaev ólse de shyndyqty aıtpaıdy, onyń kitabyn tegin berse de almaımyn. Men 94-shi jyldan beri oppozısııadamyn, basqa-basqa, Nazarbaevty tym jaqsy bilemin.

86-nyń jeltoqsanynda Nazarbaev "ásker ákelińiz" dep Gorbachevqa qoıar da qoımaı qaıta-qaıta qońyraý shaldy. Ol qoımaı qoıǵan soń Gorbachev amalsyz ásker jiberýge buıryq bergen. Odaq elderinen qyzyl áskerdiń kelýi beıbit jastardy arandatýǵa sebep boldy.

Nazarbaevtyń mańaıyndaǵy olıgarhtardyń arasynda qazaq bar ma? Joq! Shetinen ındýs, káris, orys, ózbek, evreı... Qazaqtyń ómirin qurtý degen asyl maqsatyna túbi jetti ol.

Nazarbaev sonsha sumyraı bolǵandyqtan halyq Qonaevty qatty jaqsy kóredi. Nazarbaevty Qonaevpen emes, Jumabek Táshenovpen salystyrý kerek. Táshenov degen taý tulǵa. Qonaevtyń tusynda qazaq mektepteri jabyldy, qazaq tili damymady. Aýyl sharýashylyǵynyń kirisinen shyǵyny kóp boldy. Biraq qalaı degende de Nazarbaev bılikke kelmeı turǵan kezimiz jaqsy boldy. Qonaev urlaǵan joq, adamdardy mazaq qylǵan joq.

Eshbir prezıdent urlyqpen aınalyspaýy kerek. Mysaly, óz aqshamyzdy bergeni úshin biz bankomattyń aldynda bas ımeımiz ǵoı, prezıdent te, bankomat ta bar-joǵy óz fýnksııasyn atqarady. Biraq Nazarbaev bizdi ómirde adal memlekettik qyzmetker bolady degenge senbeıtindeı etip tastady.

Bul – qazaq saıasatkeri Ýálıhan Qaısarovtyń aıtqany. 
(YouTube-tegi "Múmkin emes" arnasynda sóılegen jarty saǵattyq sózinde ol osylaı depti)