Mektep pen jol qurylysy: Mańǵystaýdyń áleýmettik ınfraqurylymy qalaı damýda

Memleket basshysynyń tapsyrmasy boıynsha óńirde áleýmettik ınfraqurylymdy damytýǵa, atap aıtqanda, jalpy bilim beretin mektepterdiń qurylysyna kóp kóńil bólinedi. О́ıtkeni, Mańǵystaý oblysy birneshe jyl qatarynan bala týý qarqyny boıynsha rekord jańartty. Bul qosymsha bilim berý resýrstaryn qajet etedi. Atalǵan qajettilikti sheshý úshin oblys ortalyǵynda, eldi mekenderde de jańa mektepter salý josparlanýda. Bul týraly Ortalyq kommýnıkasııalar qyzmetinde ótken brıfıngte aımaq basshysy Nurlan Noǵaev tolyq málimet berdi.

Mańǵystaý oblysynyń ákimi qalalar men aýyldardy keshendi damytý jańa turǵyn aýdandarmen qosa  qolaıly áleýmettik ınfraqurylymdy — ıaǵnı  balabaqshalar, mektepter, emhanalar, oıyn jáne  sport alańdaryn da salýdy  kózdeıtinin atap ótti.

 Nurlan Noǵaevtyń málimetinshe, 2023 jyly bilim berý júıesin qarjylandyrýǵa 209 mlrd teńge qarastyrylǵan, bul oblys bıýdjetiniń 43% quraıdy. Oblysta barlyǵy 188 jalpy bilim beretin mektep jumys isteıdi, onyń ishinde 39-y — jekemenshik mektep. Sońǵy úsh jylda oqýshylar sany 25 myńǵa artty (2021 – 156 myń, 2022 – 175 myń, 2023-182 myń).  Bıyl 3 972 oryndyq 11 jekemenshik mektep ashyldy (Aqtaý - 6, Jańaózen - 2, Munaıly -3).

 Ákimdik nusqaýy ári jetekshiligimen áleýmettik nysandar qatary artyp, ásirese mektepter qadamdyq qoljetimdilikte bolýy úshin tıisti jumystar atqarylyp keledi. (Bul úshin qazirdiń ózinde bar bilim berý nysandaryn salý jáne keńeıtý qarqyndy júrip jatyr). 

 - «Aýyl-el besigi» baǵdarlamasy aıasynda  Túpqaraǵan aýdanynda M. Gorkıı atyndaǵy mektep-lıseıine japsarlas salynǵan ǵımarat  paıdalanýǵa berildi. «Jaıly mektep» ulttyq jobasy aıasynda oblysta 2025 jylǵa deıin 2 aýysymda 44 myń oryndyq 21 mektep salý josparlanǵan (2024 jyly – 13 mektep, 2025 jyly – 8 mektep). 13 mektep boıynsha merdiger uıymdarmen kelisimsharttar jasaldy, qurylys jumystary bastaldy, - dedi Nurlan Noǵaev.

Bilim berý mekemeleriniń qurylysynda demeýshilik qoldaý bilim berýdi damytýda mańyzdy ról atqarady. «NCOC» jáne «Buzachi Operating LTD» kompanııalary bul proseske belsendi qatysyp, mektep qurylysyna qarajat quıýda. Beki aýylynda 100 oryndyq mektep, al C. Shapaǵatov aýylynda 1200 oryndyq mektep salynady.

 Sondaı-aq, áleýmettik ınfraqurylym áleýetin arttyrý salasynda avtomobıl joldarynyń mańyzy asa zor,  sapaly joldar — óńir ekonomıkasynyń  ózegi ekenin atap ótken jón.

«Aýyl – el besigi» baǵdarlamasynyń basty baǵdary  21 aýyldy qamtıdy jáne bıyl avtojoldardy salý jáne jóndeý jobalaryna qomaqty ınvestısııalardy tartý mańyzyn aıqyndaı túsedi

- Bıyl oryndalǵan jumystardyń qorytyndysy boıynsha jergilikti mańyzy bar avtomobıl joldarynyń jaı - kúıin 96% - ǵa deıin jaqsartý josparlanýda. Bul turǵyndar úshin qolaıly jaǵdaılardy qamtamasyz etýge jáne jalpy oblysty damytýǵa mańyzdy qadam bolmaq, - dedi Nurlan Noǵaev.