• USD 468.56

  • EUR 497.56

  • RUB 7.3

  • CNY 67.18

15 Sáýir, 23:49:07
Almaty
+35°

18 Qazan, 2023 Suhbat

Dýbaıda brend ashqan qazaq qyzy: Kórgeni kóp kósh bastar

Jastaıynan izdengen, bilimge qushtar 26 jastaǵy Aıda Aımenova Dýbaıda irgeli kompanııaǵa qyzmetke turyp, jýyrda óziniń «Kósh» brendin ashty.

Foto: Aıda Aımenovanyń jeke sýretteri

a

Shanhaıda oqyp, halyqaralyq ekonomıka jáne saýda mamandyǵyn meńgergen Aıda qyzmeti men bıznesimen qatar, shyǵarmashylyqpen de aınalysady eken. О́mirinen úzik syrlaryn shertip, qundy aqparattarmen bólisip, YouTube-te vıdeo blog júrgizedi.

Oqýdan elge oralǵan soń birer jyl Air Astana áýe kompanııasynda qyzmet etip, aýdarmashy bolǵan. О́zi saıahattaýǵa qushtar. Alǵash ret Fılıppınnen bastap, endigi álemniń 25 elin aralap tastaǵan eken. Qazir ol Dýbaıdaǵy munaı-gaz kompanııasynda jumys isteıdi.

Qamshy.kz eleýli jetistikterge jetken kreatıvti qazaq jastaryna kóz qyryn salyp, shetelde qyzmet etip, qazaqı brendin ashqan Aıda Aımenovany sózge tartty.

– Aıda, Dýbaıda qazir qandaı qyzmet atqarasyz?
– Munaı men gaz salasynda jumys isteımin. Kompanııany atamaı-aq qoıaıyn, biraq men jumys isteıtin jer óte jaqsy. О́z qyzmetkerlerine qamqorlyq jasaıdy jáne jumystyń ózi qyzyqty. Kompanııanyń HR qyzmetkerimin. Kóbine jańa qyzmetkerlermen ıntervıý ótkizemin. Túsindire keteıin, bos orynǵa maman izdeıtin rekrýter emespin, ondaımen arnaıy agenttikter aınalysady. Men úshin eń qyzyǵy, túrli elderden kelgen adamdarmen jumys isteý.

– 25 elge saıahat jasaǵan ekensiz. Qandaı elder ómirge jaıly, mol múmkindikteri bar?

– Árıne, ár elde múmkindikter bar. Mysaly, men Japonııaǵa saparymda 3 jyldan astam ýaqyt sol jerde turatyn dosymmen kezdestim. Ol IT salasynda jumys isteıdi, oǵan bul el jumysyna da, janǵa da jaıly. Bári adamnyń ózine baılanysty dep oılaımyn. Shetelde jumys pen múmkindik izdemes buryn, aldymen sol eldegi naryqty zertteýdi usynar edim.

– О́zińiz kórip, tanyǵan eldermen Qazaqstandy salystyrasyz ba?
– Qazaqstandy shet eldermen ár turǵydan salystyrýǵa bolady, óıtkeni ár eldiń óz erekshelikteri men kemshilikteri bar.
Mysaly, Shveısarııada turǵyndardyń tabıǵatqa qalaı qaraıtynyn baıqadym. Olar qorshaǵan ortany taza ustaýǵa aıryqsha kóńil bóledi. Sondaı-aq, qart adamdar tańerteń sportpen shuǵyldanady, belsendi ómir saltyn saqtaý úshin taýǵa jınalady. Týrızm jaǵynan Shveısarııa óte tanymal. Qarap otyrsaq, Qazaqstanda da sondaı taýlar bar,  týrızmdi damytatyn ádemi jerler da jetkilikti. Men 2 jylda bizdiń jerimizdiń sulýlyǵyn kórsin dep Dýbaıdan birneshe sheteldik dostarymdy, tanystarymdy jáne áriptesterimdi ákeldim. Qazaqstandyqtar ekologııa máselelerine kóp kóńil bólýi kerek dep oılaımyn, bul ár adamnan bastalýy kerek: qoqystardy suryptaý, tazalyqty saqtaý jáne t.b.

– Jetistikke jetýge kómektesetin 5 qasıetti ataı alasyz ba?

1) Oqý jáne bilim alý: úzdiksiz oqý jáne bilimdi keńeıtý tulǵanyń damýy úshin óte mańyzdy dep oılaımyn. Jańa daǵdylar men bilim kásibı jáne jeke tulǵa retinde damýǵa kómektesedi.

2) О́zin-ózi taný: ózińizdiń kúshti jáne álsiz jaqtaryńyzdy, qundylyqtaryńyz ben maqsattaryńyzdy túsiný – tabysty bolýdyń, damýdyń basty kepildigi. О́zin-ózi taný sizdiń kim bolǵyńyz keletinin jáne osy maqsatqa jetý úshin qandaı qadamdar jasaý kerektigin anyqtaýǵa kómektesedi.

3) Maqsat qoıý: maqsattardy anyqtap, olarǵa jetý úshin jospar qurý fokýs pen motıvasııany saqtaýǵa kómektesedi. Maqsattar naqty, qol jetimdi, ýaqytyly bolýy kerek.

4) Tulǵaaralyq qarym-qatynas daǵdylaryn damytý: adamdarmen tıimdi qarym-qatynas jasaý qabileti jeke damý men jetistikke jetýde mańyzdy ról atqarady. Basqany tyńdaı bilý, syılastyq, sondaı-aq týyndaǵan kilkiljinderdi sheshýdiń ońaı jolyn tabý mańyzdy.

5) Ýaqyt. Ýaqytty tıimdi basqarý ónimdilikke jáne nátıjelerge jetýge kómektesedi.

– Jetistikterińizde ata-anańyzdyń qandaı úlesi bar? Otbasyńyz jaıynda aıtyńyzshy.
– Árıne! Bala kezimnen ata-anam meni oqýǵa, damýǵa baýlydy. Áke-sheshem kóp qoldady, kómektesti. Anam maǵan árqashan bilimniń kúsh ekenin aıtatyn. Ońaılyqpen eshnárse bola qalmaıtynyn, bári de eńbek pen tabandylyq arqyly keletinin uqtyrdy. «Eshnárse aspannan túspeıdi» dep aıtyp otyratyn.

– Siz qazaq jastarynyń shetelge jumysqa ornalasýyna, aǵylshyn tilinde rezıýme toltyrýyna kómek kórsetesiz. Qansha adamnyń sheteldik kompanııalarǵa qyzmetke ornalasýyna járdemdestińiz?

– Kóptegen konsýltasııalar ótkizdim jáne keńesime júgingenderdiń basym kópshiligi ózderi qalaǵan jumysqa ornalasty. Munda eń bastysy – tabandylyq! Qazir bireýi Londonda, basqalary Katarda, Dýbaıda, AQSh-ta jumys istep júr.

– Kıim brendin shyǵarý ıdeıasy sizge qalaı keldi?

– Ýnıversıtet qabyrǵasynda júrgende men bıznespen aınalysyp, shańǵy kostıýmderin sattym. Qytaıdan Qazaqstanǵa taýar jetkizip otyratynmyn. Oraý, jınaqtaýǵa, ár detaline aıryqsha mán berdim. Tutynýshylarym rıza bolatyn. Biraq keıin bul isti tastap, bolashaqta óz brendimdi jasaımyn dep ózime sert ettim. Bul kún 5 jyldan keıin keldi, osylaı jaqynda KOSH brendimdi ashtym. Bul brend Qazaqstannan alysta bolsa da, týǵan jermen baılanysty saqtaý nıetinen týdy.

– Brendtiń atyn nege «Kósh» dep qoıdyńyz?
– «Kósh» degen kóshpendi sózinen shyqty. Bul árqashan qozǵalysta júretin, bir orynda turmaıtyn adamdy bildiredi. Bul brend ne demek? «О́zińe óziń úı bol, ózińe óziń shatyr bol», degendi estigen shyǵarsyz. Bul biz qaıda bolsaq ta, árqashan aınalamyzda jaıly keńistik qurýǵa tyrysýymyz kerek. Bul brend dástúrdi qazirgi zamanmen baılanystyrýdan týdy. Kıimimizdiń árbir bólshegi sizdiń qaı jerdiń týmasy ekenińizdi umyttyrmaý úshin jáne ózine degen senimdilik berý úshin ashyldy. Jalpy aıtqanda, biz basqa elde tursaq ta, qaıdan kelgenimizdi umytpaýymyz kerek!

Kıimdegi ár prıntke muqııat qarasańyz, oıý-órnek retinde beınelengen jer sharyn ańǵarasyz. Ol – adamnyń ózi shyqqan jerimen baılanysynyń mańyzdylyǵyn eske salady.

a

– Bolashaqqa josparlaryńyz bar ma?
– Jospar kóp. О́z brendimdi odan ári damytyp, basqa elderge tanytqym keledi. Qazirdiń ózinde sheteldikter qyzyǵa satyp alýda. Jalpy, qyzmetke keletin bolsaq, Eýropada jumys istep kórýge de bolady. Biraq ol elderde salyqtyń kólemi tym úlken. Deı turǵanmen, men jańa dúnıelerge qashan da ashyqpyn. Basqa elden usynystar túsip jatsa, nege kórmeske?!

– Qazaq jastaryna qandaı keńes berer edińiz?
Bilim – bolashaqqa eń mańyzdy ınvestısııa. Jańany úırenýge umtylý kerek! Saıahat, ózge mádenıetpen, túrli adamdarmen tanysý – kókjıekti keńeıtedi. Sátsizdikten qoryqpaý kerek.

–  Suhbatyńyzǵa rahmet!

 

 
 
 
Posmotret etý pýblıkasııý v Instagram
 
 
 

Pýblıkasııa ot Aida - Kazakhstani in Dubai (@aymenova)

 

Ásem Jumaqan

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi
Ilmek sózder: sheteldik qazaqtar

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir