• USD 468.56

  • EUR 497.56

  • RUB 7.3

  • CNY 67.18

08 Jeltoqsan, 14:12:45
Almaty
+35°

Feısbýkte qoǵam belsendisi Aıgúl Orynbek bylaı dep jazdy:

Qurmetti Prezıdent!

Sizge janyńyzda júrgender baıandamaı, jasyryp otyrǵan bolýy kerek!

Halyqtyń amanatyn, janaıqaıyn jetkizeıin!

Ońtústikte un baǵasy – 15 myń teńge.

Qant baǵasy – 13 myń teńgege bir-aq shyqty!

Azyq-túlik baǵasyn jergilikti ákimder baqylaýda ustaı almaı otyr.

Smaılov basqarǵan úkimetpen bul qystan shyǵa almaımyz!

Azyq-túlik baǵasyn ustaı almaı otyrǵan úkimetbasy bizge kerek pe?

Depýtattar, áý deseńdershi, barsyńdar ma?

Májiliste otyrǵan ońtústiktiń depýtattary, úndemeı, bas shulǵyp otyrýǵa bardyńdar ma?

Shyǵarsańdarshy daýystaryńdy, surasańdarshy úkimetten, un men qanttyń baǵasy qaıda ushyp barady?
Prezıdent tapsyrma bermese, jumys istemeıtin úkimetbasy otstavkaǵa ketýi kerek!

Qymbatshylyq qysyp jatyr

Ras, kókónis pen azyq-túlik, nannyń, unnyń jáne basqanyń baǵasy sharyqtap jatyr. Reseı, Qytaıdan keletin kıim-keshek túgili, Qyrǵyzstan men О́zbekstan usaq-túıek zattaryna deıin bizge qymbatqa sata bastady. Endi buǵan kúzgi naýqandy jeleý etip benzın bezgegi qosylyp, elde dızel baǵasy aspandap ketýi ábden múmkin.

Úkimette ınflıasııamen bitpeıtin kúres júrip jatyr. Mamandarynyń paıymdaýynsha, úkimettiń qymbatshylyqqa qatysty qazirgi ustanyp otyrǵan baǵyty samarqaý jáne saýatsyz.

Máselen, buǵan deıin bizde «Qarapaıym zattar ekonomıkasy» degen baǵdarlama júzege asýy kerek edi. Basqasynan bólek, osy baǵdarlamany úkimet saýatty júrgize alǵanda Qytaıdan tym quryǵanda ıne-jip, shege, kese, qasyq tárizdi usaq-túıekterdi satyp almaıtyn edik. Amal neshik, óndirisi artta qalǵan el retinde biz búginde shıetteı nárseniń ózin ózge elden alýǵa májbúrmiz, deıdi sarapshylar.

Eldegi qymbatshylyq deńgeıiniń óskenine qatysty sarapshylar bizde ınflıasııamen kúresýden bólek ony esepteý ádisi de durys qalyptaspaǵanyn aıtyp otyr. Bul rette ekonomıst-ǵalym Ilııas Isaev:

 

– Qazir ınflıasııanyń áleýmettik mazmuny búrkemelenip tur. Bizde ınflıasııany árbir naryq sektory boıynsha esepteý tetigi qalyptaspaǵan. Aıtalyq, tutyný naryǵynda ınflıasııa qandaı, ónerkásip salasyndaǵy ınflıasııanyń kólemi qansha, IT salasyndaǵy ınflıasııanyń kórsetkishi qansha – osynyń barlyǵy jeke-jeke eseptelmeıdi. Úkimet jalpy ekonomıkanyń, JIО́ deńgeıine qaraıdy da, ınflıasııany soǵan shaǵyp, jalpylama esepteı salady. Mysaly, qazir azyq-túlik baǵasy qatty qymbattap ketti. Biraq jalpylama esepteýlerdiń nátıjesinde ınflıasııany tómendetip kórsetip, kóp shyndyqty búrkemelep otyr. Sondyqtan bizge naqty sektorlardaǵy ınflıasııany esepteýdiń saýatty tetigin qalyptastyrý kerek, – deıdi.

 

Qymbatshylyqty júgendeýge qatysty prezıdent Toqaev úkimetke qaıta-qaıta tapsyrma berip jatyr. Bul rette ulttyq ekonomıka mınıstrligi, qarjy mınıstrligi, saýda jáne ıntegrasııa mınıstrligi, báskelestikti qorǵaý agenttigi tize qosyp jumys isteýi kerektigi de naqty aıtyldy. Áttegen-aıy, bul vedmostvalardyń eldegi monopolısterdi tezge salýǵa mysy jetpeı tur.

Altyn KÚMISBEK

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir