Foto: Ashyq derekkóz
Abaı oblysynda úsh aýyldyń turǵyndary orman órtine baılanysty úılerinen ketip qaldy dep habarlady oblystyq ákimdiktiń baspasóz qyzmeti.
Ákimdiktiń habarlaýynsha, Ýspenskoe, Podnebesnoe jáne Baryshevka aýyldarynyń turǵyndary baspanalaryn tastap ketýge májbúr bolǵan. Olar qazir týystaryn saǵalap otyr.
9 maýsymǵa qaraǵan túni Borodýlıha aýylyndaǵy mektep pen kolledjden evakýasııalyq pýnktter uıymdastyrylǵan.
"О́rttiń orman shetinen qashyqtyǵy – 11 shaqyrym. Aýdany - 20 gektar. Eldi mekenderge qaýip tónip turǵan joq. Soǵan qaramastan, Romanovka, Kamyshenka eldi mekenderiniń shekarasynda jer jyrtý jumystary júrgizilip jatyr. Aýa raıy jaǵdaıy: +34 gradýs, soltústikten soqqan jeldiń jyldamdyǵy – 2 m/s" dep jazylǵan ákimdik habarlamasynda.
Ákimdik ókilderiniń aıtýynsha, Abaı oblysynyń ákimi Nurlan Uranhaev ta oqıǵa ornyna barǵan.
О́rtti sóndirýge shamamen órtpen kúres qyzmetiniń jeke quramynyń 300 ókili, 70 shaqty tehnıka, úsh tikushaq jumyldyrylǵan.
Mamyr aıynyń sońynda osy rezervatta iri órt bolyp, 3,5 myń gektar aýmaqty sharpyǵan bolatyn.
Derekkóz: Azattyq radıosy
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir