• USD 468.56

  • EUR 497.56

  • RUB 7.3

  • CNY 67.18

25 Shilde, 00:26:38
+35°

О́ńirde sý tapshylyǵyn joıý jónindegi sharalar: 2025 jylǵa deıin jalpy qýattylyǵy táýligine 200 myń tekshe metrge jýyq jeti sý tushytý jobasy iske asyrylatyn bolady, dep habarlaıdy Qamshy.kz aqparat agenttigi.
 
О́ńirde aýyz sý tapshylyǵyn kezeń-kezeńimen sheshý maqsatynda 2025 jylǵa deıin sý tushytýdyń jalpy qýaty táýligine 200 myń tekshe metrge jýyq 7 jobany iske asyrý josparlanǵan. Bul týraly Ortalyq kommýnıkasııalar qyzmetinde ótken brıfıngte Mańǵystaý oblysynyń ákimi Nurlan Noǵaev málimdedi.

Qazirgi ýaqytta oblysta aýyz sýdy tutyný kólemi 162 myń m3 quraıdy. Al tapshylyq ásirese jazǵy kezeńde seziledi, qajettilik táýligine 77 myń tekshe metr. Sondyqtan qazirgi ýaqyttan bastap sý tapshylyǵyn joıýǵa baılanysty jobalar kezeń-kezeńimen júzege asyrylýda. Máselen, «Qarajanbas» ken ornynda qýattylyǵy táýligine 17 myń tekshe metrdi quraıtyn sý tushytý zaýyty iske qosylǵan. Buǵan deıin kásiporyn «Astrahan-Mańǵyshlaq» qubyrynan sý alyp kelgen bolatyn. Nátıjesinde «Astrahan-Mańǵystaý» sý qubyrynan bosaǵan 10 myń tekshe metr aýyz sý Jańaózen qalasy, Beıneý, Jetibaı aýyldary turǵyndarynyń ıgiligine paıdalanylýda. Sý tapshylyǵyn joıý maqsatynda júzege asyp jatqan taǵy bir shara «Kaspıı» sý tushytý zaýytynyń qýatyn eki esege ulǵaıtý arqyly táýligine 40 myń tekshe metrge deıin jetkizý josparlanýda. 2022 jyldyń jazǵy maýsymynda qýattylyǵy 5 myń tekshe metr tushytý qondyrǵysy paıdalanýǵa berildi. Al qalǵan jumystar 2023 jyldyń sońyna deıin aıaqtalady.

«Sonymen qatar, Aqtaýda jeke ınvestordyń esebinen táýligine 20 myń tekshe metr sý tushytý qondyrǵysynyń qurylysy júrgizilýde. Jyl sońyna deıin 10 myń tekshe metr sý alýdy josparlanǵan. Memleket basshysy alǵa qoıǵan 12 aýyldy ortalyqtandyrylǵan sýmen jabdyqtaý jónindegi mindeti búginde tolyq oryndaldy. Nátıjesinde eldimekenderde halyqtyń aýyz sýǵa qoljetimdiligi 96% - dan 100%-ǵa deıin jetti», - dedi Mańǵystaý oblysynyń ákimi Nurlan Noǵaev Ortalyq kommýnıkasııalar qyzmetinde ótken baspasóz máslıhatynda.

Budan bólek bıyl F.Shevchenko qalasynda táýligine 5 myń tekshe metr, «MAEK» aýmaǵynda 24 myń tekshe metr jáne Kendirli aımaǵynda 50 myń tekshe metr sý tushytý qondyrǵylaryn salý jumystary bastalady.

«MAEK» energııa jáne sý óndirý keshenin jańǵyrtý boıynsha qabyldanyp jatqan sharalarǵa jeke toqtap ótken jón.
 
«Prezıdent Úkimetke oblys ortalyǵyndaǵy ınjenerlik jelilerdi qaıta qurýǵa qajetti qarajat bólýdi tapsyrdy. О́ńirdegi sý tapshylyǵy máselesin sheshýdiń biri «MAEK» keshenin ákimdiktiń kommýnaldyq menshigine ótkizý bolyp tabylady. Kásiporyndy kommýnaldyq menshikke berýdiń arqasynda bizde kásiporyndy jańǵyrtý baǵdarlamasyn ázirleý múmkindigi paıda boldy. Jergilikti atqarýshy organnyń rezervinen elektr stansııasynyń tozǵan jabdyqtaryn, tushytý qondyrǵylarynyń sorǵy jabdyqtaryn jáne DOÝ úshin jylý almastyrǵysh tútikterdi aýystyrýǵa 2,6 mlrd. teńge mólsherinde qarajat bólindi. Sondaı - aq, elektr stansııalary men MAEK sý tushytý kesheni jabdyqtarynyń senimdi jumysyn qamtamasyz etý úshin respýblıkalyq bıýdjetten jabdyqtar men jıyntyq quraldar satyp alýǵa 4,9 mlrd.teńge kóleminde qarajat bólýge ótinim joldandy», - dedi Nurlan Noǵaev.

"Qamshy" silteıdi
Ilmek sózder: Mańǵystaý oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir