Mańǵystaý oblysy 2023 jyly 320 myńnan astam týrıst qabyldaýdy josparlap otyr

Bul týraly Ortalyq kommýnıkasııalar qyzmetinde ótken brıfıngte Mańǵystaý oblysynyń ákimi Nurlan Noǵaev málimdedi.

2022 jyly Mańǵystaý oblysyna shetelden jáne el óńirlerinen 310 myńnan astam týrıst kelgen. Bul 2021 jylmen salystyrǵanda 6% - ǵa kóp. О́ńirde týrızm salasynda kórsetilgen qyzmetter kólemi 11,5 mlrd teńgeni quraǵan (ósim - 1,6 ese).
О́ńirdiń týrıstik salasyn damytýdyń mańyzy jyl ótken saıyn artyp keledi.  Muny saladaǵy oń dınamıkadan da kórýge bolady. Týrızmniń damýy kólik ınfraqurylymyna tikeleı baılanysty. Týrısterdiń áýe kóligimen kelýine barlyq jaǵdaı jasalǵan. Búginde Úkimettiń qoldaýymen ushaqtar halyqaralyq jáne ishki baǵyttar boıynsha 24 baǵytta aptasyna 110 áýe reısin, onyń ishinde alys jáne jaqyn shet elderge 16 baǵytta 45 áýe reısin jasaıdy.

Jyl basynan beri «Aqtaý halyqaralyq áýejaıymen» tasymaldanǵan jolaýshylar sany 2022 jyldyń sáıkes kezeńimen salystyrǵanda 14% - ǵa artyp, 407 490 jolaýshyǵa jetti.

Máselen, kýrorttyq aımaqtardy damytý aıasynda 2022 jyly jergilikti ınvestorlar 4 jobany iske asyrǵan. Nátıjesinde 1,1 mlrd teńgeden astam ınvestısııa tarta otyryp, 80-nen astam jańa jumys orny qurylǵan.
1. «Neftemash» KZ» «Sartas» kelýshiler ortalyǵyn salý
 
2. «Flamıngo kýrorty» demalys bazasy («Flamıngo» JShS)
 
3. Glampıng Teniz Village («Techno west ltd» JShS)
 
4. «AURA» demalys bazasy («Aleka» JShS)
 
- 2023 jyly 210 jumys ornyn qurýmen 6 ınvestısııalyq jobany iske asyrý josparlanýda, jalpy quny – 100 mlrd teńge. Bul jobalardyń barlyǵy óńir ekonomıkasyn damytý úshin oń mýltıplıkatıvti áser etedi, - dedi oblys ákimi Nurlan Noǵaev.