Qazaqstandyqtar óz atyna nesıe rásimdeýge tyıym sala alady

Qarjy naryǵyn retteý jáne damytý agenttigi jańa zańnama usyndy. Oǵan sáıkes, qazaqstandyqtar alaıaqtardan qorǵaný úshin óz atyna nesıe alýǵa tyıym sala alady. 

Jeke tulǵanyń kredıt tarıhynda nesıeden erikti túrde bas tartý týraly belgi bolsa, bankter men mıkroqarjy uıymdaryna kredıt berýge jeke tyıym salynady.Tyıym salǵannan soń bank taǵy nesıe berse, ol mindettemelerdi oryndaýdan bosatylady.

Resmı derekterge súıensek, 2022 jyldan beri úshinshi tulǵalardyń shaǵyn nesıeler rásimdeýine qatysty 158 fakt, onyń ishinde jeke tulǵalardan 132 aryz jáne ishki ister organdarynan 26 aryz túsken.