• USD 468.56

  • EUR 497.56

  • RUB 7.3

  • CNY 67.18

07 Maýsym, 04:01:13
Almaty
+22°

Prezıdenttiń baspasóz hatshysy Rýslan Jeldibaı Máskeý qalasynda ótken II Eýrazııalyq ekonomıkalyq forýmyna qatysty pikir bildirdi. Rýslan Jeldibaı Qasym-Jomart Toqaevtyń birqatar málimdemelerin sarapshylar talqylap, pikir bildirip jatqanyn aıtty. 

"EAEO aıasyndaǵy ıntegrasııa tek qana ekonomıkalyq sıpatta ǵana júrýi kerek. Bul – Prezıdenttiń negizgi ustanymy. Onyń sheńberinen shyǵý uıymnyń jarǵylyq qujattarynyń maqsattaryna, prınsıpteri men mindetterine qaıshy keledi. Prezıdent atap ótkendeı, ekonomıkalyq ıntegrasııa – bul túpki maqsat emes, ol ekonomıkany damytýdyń jáne halyqtarymyzdyń ál-aýqatyn arttyrýdyń negizgi quraldarynyń biri. Iаǵnı, uıym aıasynda qabyldanatyn kez kelgen sheshim onyń árbir múshesine jáne, eń aldymen, olardyń azamattaryna paıdasyn tıgizýi tıis", dep jazdy Rýslan Jeldibaı óziniń feısbýk paraqshasynda. 

Sondaı-aq Rýslan Jeldibaı túrli deńgeıdegi ıntegresııa máselesi de qozǵalǵanyn atap ótti. 

"Búginde EAEO-nyń eki múshesi – Reseı men Belarýs ózara yqpaldastyqtyń joǵary deńgeıine shyqty. Bul – erekshe presedent. Memleket basshysynyń paıymynsha, shyn máninde, bir halyq jáne bir memleket týraly sóz bolyp otyr. Osy rette múlde basqa maqsattardy kózdegen eki túrli ıntegrasııalyq joba sheńberindegi bastamalardyń ara-jigin ajyratý asa mańyzdy. Bizdiń elimizge keletin bolsaq, Qazaqstan qandaı da bir odaqtas memleketter qurýǵa nemese olardyń quramyna kirýge nıetti emes jáne ony josparlap otyrǵan joq", dep jazdy Rýslan Jeldibaı. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir