• USD 468.56

  • EUR 497.56

  • RUB 7.3

  • CNY 67.18

25 Shilde, 00:00:50
Almaty
+35°

Seısenbide Almaty oblysynyń ákimi Marat Sultanǵazıev azamattardy jeke máseleleri boıynsha dástúrli qabyldaýyn ótkizdi, dep habarlady oblys ákiminiń baspasóz qyzmeti.

Qabyldaýda Eńbekshiqazaq aýdanynan kelgen Azangúl Álbosyn oblys ákiminen mal sharýashylyǵyn damytý úshin jer telimin berýdi surady. Kásipker alǵashqy sharýasyn eki bas túıe ósirýden bastaǵan. Búginde onyń 50-ge jýyq túıesi bar. Bir aıta keterligi, kásipker et-sút baǵytyndaǵy mal sharýashylyǵyn damytýmen qatar týǵan aýylynda qazaqtyń ulttyq órnegi bar ydystaryn jasaý úshin qolóner sheberligin úıretýge daıyn.

 

– Kópbalaly analarǵa qolóner buıymdaryn jasap, tabys tabýy úshin qoldaý kórsetkim keledi. Shıkizat bar, jumys isteýge negiz bar, biraq bul kásipti bastaý úshin maǵan qoldaý kerek. Ideıany júzege asyrsaq, kóptegen áıelder tabysqa keneledi. Onyń ústine tutynýshylar tarapynan suranys ta joǵary, – dedi kásipker.

Marat Sultanǵazıev óz kezeginde kásipkerdiń ıdeıasy aýyldarda shaǵyn jáne orta bıznesti damytý jónindegi tapsyrmasymen úndesip jatqanyn, bul baǵytta aýdan ákimine tıisti tapsyrma berilip, jobaǵa qoldaý kórsetiletini basa aıtyldy. Oblys ákimi tanymal kásipker Sydyq Dáýletovtiń sharýa qojalyǵy da bir túıemen bastalǵanyn eske saldy.

Aıta keteıik, mal sharýashylyǵynyń bul salasy sýbsıdııalanbaıdy. Soǵan qaramastan ol sharýashylyq ónimderin shetelderge eksporttaıtyn deńgeıge deıin jetkizgen.

Foto: Almaty oblysy ákiminiń baspasóz qyzmeti.

Azangúl Álbosyn da sharýa qojalyǵyn eki túıeden elýge deıin ulǵaıtty. Sharýa qojalyǵyna jer telimi bólinse, kásipker odan ári mal basyn kóbeıtip qana qoımaı, qosymsha jumys oryndaryn ashpaq nıette.

Túıe júni ejelden jylý saqtaıtyn ereksheligimen jáne emdik qasıetterimen baǵaly. Sondyqtan, túıe júninen jasalǵan ónimge suranys joǵary. Oblys ákimi, osylaısha, kásippen aınalysqysy keletin aýyl áıelderine qoldaý kórsetý kerektigin atap ótti.

Oblys ákimi shara sheńberinde barlyǵy 6 adamdy qabyldady. Qabyldaýda kóterilgen barlyq máseleler sheshimin taýyp, olardyń oryndalýy oblys ákimi apparatynyń baqylaýyna tapsyryldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir