Syrtqy ister mınıstri Ýkraına qarýly kúshterine etnıkalyq qazaq tutqynǵa tústi degen aqparatqa baılanysty pikir bildirdi.
Mınıstr Ýkraına quzyretti organdarynan Qazaqstan azamattaryn tutqyndaǵany nemese soǵysqa qatysqany týraly eshqandaı resmı aqparat almaǵanyn jetkizdi.
"Bul rette, ózderińiz biletindeı, mundaı áreketter QR zańnamasyna sáıkes qylmystyq jaýapkershilikke tartylatyn bolady" dedi Aıbek Smadııarov.
Sondaı-aq, SIM ókili eger qazaqstandyqtar Ýkraına bıliginiń ruqsatynsyz Qyrym nemese basqa da daýly aýmaqtarǵa barǵan bolsa, olar sol memlekettiń zańyn buzǵan bolyp esepteletinin aıtty.
Buǵan deıin jelide Ýkraınadaǵy soǵysta qazaq tutqynǵa tústi delingen vıdeo qyzý talqylanǵan. Ýkraına áskeriniń qolyna túsken adam ózin qazaqpyn dep tanystyrady. Alaıda ol qaı eldiń azamaty ekeni belgisiz.
Pikir qaldyrý
pikir