24 Qarasha, 2022 NEWS
Foto: ulysmedia.kz
"Qazaqtelekom" AQ Qaraǵandy fılıalynyń qyzmetkerleri kóshege shyǵyp, jalaqyny kóterýdi talap etti, dep habarlaıdy Ulysmedia.kz.
Áleýmettik jelide ereýilden túsirilgen vıdeo tarady. Onda "Qazaqtelekomnyń" ondaǵan jumysshysy túrli máselelerdi, sonyń ishinde jalaqyǵa qatysty máselelerdi kótergen.
Kompanııanyń ózi oqıǵanyń ereýil bolmaǵanyn, ony "Jeli" qaýymdastyǵy bólimshesiniń qol jetkizý jelisin paıdalaný jónindegi Qaraǵandy departamenti qyzmetkerleriniń fılıal basshylyǵymen jáne kásipodaq ókilderimen kezdesýi dep málimdedi.
"Birlesken talqylaý barysynda qyzmetkerler kompanııanyń jalaqyny kóterý, medısınalyq saqtandyrý jáne taǵy basqa másele boıynsha qabyldap jatqan sharalary týraly suraqtar qoıdy. Sonymen qatar, kompanııa jáne jergilikti kásipodaq atynan ókildik etetin qyzmetkerlerdiń ókilderi eńbek jaǵdaılary men jalaqyny qaıta qaraýǵa qatysty máseleler zańdy túrde jáne kompanııanyń jáne onyń qyzmetkerleriniń múddelerin eskere otyryp sheshilýi kerek ekenine senimdi", - dep habarlady "Qazaqtelekom".
"Qazaqtelekom" AQ 47 544 teńgeden 4,2 mlrd teńgege 90 000 uıaly modem satyp alǵysy keletini buǵan deıin habarlanǵan bolatyn.
Burynǵy prezıdent Nursultan Nazarbaevtyń jıeni Qaırat Satybaldyǵa tıesili "Qazaqtelekomnyń" aksııalary keıin memleket menshigine qaıtarylǵan. Maýsym aıynyń ortasynda úkimet "Qazaqtelekomnyń" uıaly baılanys salasyndaǵy úlesin azaıtýdy usyndy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir