Foto: eadaily.com
Stambýldaǵy Qazaqstannyń bas konsýldyǵy jarylys qurbandary arasynda Qazaqstan azamattarynyń bar-joǵyn anyqtap jatyr. Mekemeniń habarlaýynsha, ázirge zardap shekkenderdiń arasynda qazaqstandyqtar anyqtalmady.
"Stambýldaǵy QR bas konsýldyǵy jarylys qurbandary arasynda Qazaqstan azamattarynyń bolýy týraly aqparatty anyqtaý úshin Túrkııanyń quzyretti organdarymen jáne qala ákimdigimen baılanysta" delingen syrtqy isteri mınıstrliginiń resmı habarlamasynda.
Sondaı-aq Stambýldaǵy bas konsýldyq el azamattaryn saq bolýǵa jáne adam kóp jınalǵan jerge kóp barmaýǵa shaqyrdy.
Eske salsaq, Stambýldyń ortalyq kóshelerdiń biri Istıklıalda bolǵan jarylystan 6 adam qaza taýyp, 81 adam jaraqattandy. Túrkııa IIM basshysy jarylǵysh zat qaldyrǵan áıel adam ustalǵanyn málimdegen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir