• USD 472.68

  • EUR 466.91

  • RUB 8.01

  • CNY 66.45

05 Qazan, 07:35:40
Almaty
+8°

«AMANAT» partııasy janyndaǵy «Jer amanaty» komıssııasy Aqmola oblysyna bardy. Sonyń nátıjesinde memleket menshigine 60 myń gektar jaıylymdyq jer qaıtaryldy. Endi bul jer ýchaskelerin aýyl turǵyndary mal jaıý jáne shóp shabý úshin paıdalanatyn bolady.

Memleket basshysy Qasym-Jomart Toqaev buǵan deıin paıdalanylmaı jatqan jaıylymdyq jerlerdi memleket menshigine qaıtarý jóninde naqty tapsyrma bergen bolatyn.

 Tata

«AMANAT» partııasynyń Hatshysy Dáýlet Káribek aýyl sharýashylyǵy taýar óndirýshilerimen memorandým jasalǵanyn atap ótti. Soǵan sáıkes, sharýalar 333 myń gektar jerdi budan bylaı aýyl turǵyndarymen birlesip paıdalanady.

 

«Aqmola oblysynyń turǵyndary úshin jaıylym jerdiń jetispeýshiligi óte ózekti másele bolyp otyr. Sondyqtan komıssııa músheleri munda belsendi jumys istep jatyr. Memlekettik organdarmen jáne iri menshik ıelerimen birlesip qabyldaǵan sheshimderdiń oryndalý barysyna monıtorıng júrgizýdi jalǵastyramyz», – dedi komıssııa múshesi, qoǵam qaıratkeri Ǵalym Baıtoq.

 

Tanymal jýrnalıst, komıssııa múshesi Maqsat Tolyqbaıdyń aıtýynsha, komıssııa ókilderi 3 aıdan beri óńirlerdi aralap keledi.

 Vvl

«Memlekettik organdardyń ókilderi men partııalyqtardan bólek, komıssııa quramynda qoǵam belsendileri jáne zańgerler bar. Jaıylym máselesi uzaq ýaqyt boıy qordalanyp keldi. Ony bir kúnde sheshý múmkin emes. Sondyqtan partııanyń barlyq tetigin iske qosyp, ár oblystaǵy máseleni birlesip sheship kelemiz», – dedi Maqsat Tolyqbaı.

Atbasar aýdany Sochınskoe aýylynyń turǵyny Asylhan Tastemirov eldi mekenge bekitilgen 6 myń gektar jaıylymnyń azdyq etip otyrǵanyn jetkizdi.

«Aýylda 200-ge jýyq úı bar. Turǵyndardyń barlyǵy derlik mal sharýashylyǵymen aınalysady. Aýyl halqy iri qara, jylqy ósirip jan baǵyp otyr. Jaıylym máselesi óte ózekti. Komıssııa osy máseleni sheshýge kómektesedi dep úmittenemiz», – dedi Asylhan Tastemirov.

Tsa

Osy kúni «Jer amanaty» komıssııasynyń músheleri Sandyqtaý aýdanynda jer máselesi boıynsha azamattardy qabyldady. Turǵyndar tarapynan aıtylǵan barlyq másele partııalyq baqylaýǵa alyndy.

Aıta keteıik, keıingi birneshe aı ishinde komıssııa músheleri Jetisý, Qaraǵandy, Qostanaı, Jambyl, Túrkistan, Aqtóbe jáne Soltústik Qazaqstan oblystarynda boldy. Jalpy, «Jer amanaty» komıssııasynyń kómegimen 350 myń gektardan astam jer memlekettik menshikke qaıtaryldy.

Jer máselelerin neǵurlym jedel sheshý úshin qazaqstandyqtar barlyq zań buzý faktileri týraly «AMANAT» partııasynyń «Jedel jeli» 8 800 080 44 41 telefonyna habarlaı alady. О́tinimder WhatsApp arqyly da +7 700 800 44 41 nómir boıynsha qabyldanady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir