• USD 425.02

  • EUR 450.1

  • RUB 7.17

  • CNY 63.75

22 Mamyr, 18:01:57
Almaty
+11°

Aqtóbe oblysynyń ákimi Ońdasyn Orazalın aýyl sharýashylyǵy, tamaq jáne óńdeý ónerkásibi qyzmetkerleri kúnine arnalǵan saltanatty sharaǵa qatysty.

Mereke Mártók aýylynyń mádenıet úıinde ótip, oǵan aýyl sharýashylyǵy salasynyń ozattary men ardagerleri, aýdan ákimderi, aýyl sharýashylyǵy taýaryn óndirýshiler qatysty.

Jınalǵandardy quttyqtaǵan oblys ákimi Ońdasyn Orazalın óńirdegi agroónerkásip kesheniniń qyzmetkerleri eńbekqorlyǵymen jáne jaýapkershiligimen kóptegen salalarda oń nátıjelerge qol jetkizip otyrǵanyn atap ótti.

"Táýelsizdik alǵan jyldardan beri múıizdi iri qara 110,2%, jylqy 111,1%, sýarmaly alqap jerleriniń kólemi 109,7 % artty. Aýyl sharýashylyǵy salasynda búgin óńirde 34 myńǵa jýyq adam eńbek etedi. Jylyna aýyl sharýashylyǵy salasynda shamamen myńǵa jýyq sharýashylyq ashylady.  2021 jyly 861 qojalyq quryldy. Aǵymdaǵy jyly aýyl  sharýashylyǵy taýaryn óndirýshilerdi sýbsıdııalaýǵa 24,3 mlrd. teńge bólinip, 2020 jylmen salystyrǵanda memlekettik qoldaý kólemi 25% ósti. Mundaı  qoldaýdyń nátıjesinde mal basynyń sany artyp, aýylsharýashylyq tehnıkasyn jańartý boıynsha aldyńǵy oryndamyz. Barshańyzǵa Otanymyzdyń azyq-túlik qaýipsizdigin qamtamasyz etý jolyndaǵy tabandy eńbekterińiz ben óz isterińizge adaldyqtaryńyz, týǵan jerge degen súıispenshilikterińiz úshin alǵys aıtamyz",- dedi Ońdasyn Orazalın.

О́ńir basshysy oblys basshylyǵy agroónerkásip keshenine eleýli nazar aýdaratynyn basa aıtty.

Aýyl sharýashylyǵy kásiporyndarynyń úzdik eńbekkerlerine QR aýyl sharýashylyǵy mınıstrligi men oblys ákimi atynan tósbelgiler, medaldar, qurmet gramotalary men alǵys hattar tabys etildi. Barlyǵy 62 adam marapattaldy. Saltanatty shara konserttik baǵdarlamamen jalǵasyp, aýyl sharýashylyǵy tehnıkasynyń, mal jáne aýyl sharýashylyǵy ónimderiniń kórmesi uıymdastyryldy.

 

Aqtóbe oblysy ákiminiń baspasóz qyzmeti

"Qamshy" silteıdi
Ilmek sózder: Aqtóbe oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir